PSA_Radio_3

မြေမြှုပ်မိုင်းတွေနဲ့ စစ်ကျန်လက်နက်ပစ္စည်းတွေရဲ့ လူသားတွေနဲ့ တိရစ္ဆာန်တွေအပေါ် ခြိမ်းခြောက်မှုအန္တရာယ်က အလွန်ကြီးမားပါတယ်။ အဆိုးဆုံးက အသက်သေကျေပျက်စီးတဲ့အထိဖြစ်စေသလို ခန္တာကိုယ် အစိတ်အပိုင်းတွေဆုံးရှုံးပြီး မသန်စွမ်းဖြစ်တာ၊ ပြင်းပြင်းထန်ထန် ဒဏ်ရာရတာတွေ ဖြစ်စေပါတယ်။ အဲဒီလိုရုပ်ပိုင်းဆိုင်ရာထိခိုက်မှုတွေတင်မကဘဲ အသက်ရှင်ကျန်ခဲ့သူတွေဟာ စိုးရိမ်ထိတ်လန့်တာ၊ စိတ်ဖိစီးတာ၊ လုံခြုံမှုမရှိသလိုခံစားရတာ၊ စိတ်ဓာတ်ကျတာ စတဲ့ စိတ်ပိုင်းဆိုင်ရာ ထိခိုက်ခံစား မှုတွေကိုလည်း ခံစားရစေပါတယ်။ လူမှုဘဝထိခိုက်မှုတွေလည်းရှိပါတယ်။ အသက်ရှင်ခဲ့ပေမယ့် မသန်စွမ်းဖြစ်သွားတဲ့အခါ အိမ်ထောင်ပြုဖို့၊ သားသမီးယူဖို့၊ အလုပ်အကိုင်ရဖို့ စတဲ့အခွင့်အလမ်းတွေကိုပါ ကြီးမားစွာသက်ရောက်မှု ရှိစေနိုင်လို့ ဖြစ်ပါတယ်။ ဒါကြောင့်မို့လို့ မြေမြှုပ်မိုင်းနဲ့ စစ်ကျန်လက်နက်ပစ္စည်းအန္တရာယ် နဲ့ပတ်သက်တဲ့ ဗဟုသုတတွေကို ကိုယ်နေထိုင်ရာပတ်ဝန်းကျင်မှာ မျှဝေပေးရင်း ချစ်ခင်ရသူတွေကို ပေါက်ကွဲလက်နက်ပစ္စည်းတွေရဲ့ အန္တရာယ်တွေကနေ ကာကွယ်ကြရအောင်ပါ။ #DaweiWatch Telegram - https://t.me/daweiwatch Website - http://www.daweiwatch.com/ Facebook - https://www.facebook.com/DaweiWatch Instagram - https://www.instagram.com/dawei_watch/ Dawei Watch သတင်းဌာနကို ၂၀၁၂ ခုနှစ် မေလတွင် ထားဝယ်မြို့ အခြေစိုက် စတင် တည်ထောင်ခဲ့သည်။ Dawei Watch သည် ကနဦးတွင် တစ်နိုင်ငံလုံးခြုံထုတ်ဝေသည့် နေ့စဉ် သတင်းစာများ၊ အပတ်စဉ်များကို အဓိကအားဖြင့် တနင်္သာရီတိုင်း နှင့် မွန်ပြည်နယ်အတွင်းမှ သတင်းများကို ဝန်ဆောင်မှုပေးလျက်ရှိသည်။ ယင်းအပြင် ထူးခြားမှုအလိုက် ထိုင်းရောက်မြန်မာ ရွှေ့ပြောင်းလုပ်သားများ သတင်းကိုလည်း တင်ဆက်သည်။