Khit Thit Morning News | May 12 , 2026

Khit Thit သတင်းဌာန၏ မေ ၁၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၂ ရက် မနက်ပိုင်း တင်ဆက်ပေးမယ့် သတင်းတွေကတော့ -မန္တလေးတိုင်း၊ ပြင်ဦးလွင်မြို့နယ်မှာ မင်းအောင်လှိုင်နဲ့ သူ့သားအောင်ပြည့်စုံတို့လုပ်နေတဲ့ ရတနာပုံမြို့သစ်စီမံကိန်းအတွက် စစ်တပ်က လုပ်ငန်းရှင်တွေကို အစည်းအဝေးခေါ်ပြီး မွေးမြူရေး လုပ်ငန်းတွေနဲ့ စက်ရုံတွေ လာရောက်ရင်းနှီးမြှုပ်နှံဖို့ အတင်းအဓမ္မဖိအားပေးနေတယ်လို့ လုပ်ငန်းရှင် တွေက ပြောပါတယ်။ - ကချင်ပြည်နယ်၊ ဖားကန့်မြို့နယ် လုံးခင်းနဲ့ မှော်စီဆာကျေးရွာဘက်မှာ စစ်တပ်က လမ်းသွားလမ်းလာပြည်သူတွေတင်မက နေအိမ်တွေထဲပါဝင်စီးပြီး ငွေ၊ ဆိုင်ကယ်၊ ဖုန်း၊ ရွှေထည်တွေကို အတင်းအဓမ္မ ဓားပြတိုက်ယူနေတယ်လို့ ဒေသခံတွေက ပြောပါတယ်။ - ပဲခူးတိုင်း အုတ်ဖိုမြို့နယ်နဲ့ လက်ပံတန်းမြို့နယ်ဘက်မှာရှိတဲ့ စစ်တပ်ဂိတ်စခန်းတွေနဲ့ ကင်းပုန်းတွေကို တိုက်ခိုက်ခဲ့ရာ စစ်သားနဲ့ ပျူစောထီးစုစုပေါင်း ၆ ယောက် သေဆုံးခဲ့တယ်လို့ အမှတ် ၂ စစ်ဆင်ရေး နယ်မြေထုတ်ပြန်ချက်နဲ့ ရွှေတန်းမြေပြည်သူ့ကာကွယ်ရေးအဖွဲ့က ပြောပါတယ်။ - အရှေ့အလယ်ပိုင်းစစ်ပွဲရပ်ဖို့ ဆွေးနွေးတာမှာ အမေရိကန်က မဖြစ်နိုင်တာတွေကို တောင်းနေတယ်လို့ အီရန်က ပြောဆိုလိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။