Khit Thit Afternoon News | May 9 , 2026

Khit Thit သတင်းဌာန၏ မေ ၉ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ - ပဲခူးတိုင်း၊ ပန်းတောင်းမြို့နယ်၊ ကပစ ၁၆ စက်ရုံအနီး ပွိုင့် ၅၀၀ ခံစစ်စခန်းနှင့်ကာကင်းစခန်းတွေကို အာရက္ခတပ်တော် AA က တိုက်ခိုက်ခဲ့တာကြောင့် စစ်သား ၂၀ ကျော်သေဆုံးပြီး လက်နက်ခဲယမ်းတွေ ရရှိခဲ့တယ်လို့ ရခိုင်ဒေသသတင်းရင်းမြစ် Arakan Princess Media က သတင်းထုတ်ပြန်ထားပါတယ်။ -တနင်္သာရီတိုင်း၊ လောင်းလုံးမြို့နယ်မှာ စစ်တပ် စစ်ကြောင်းနှင့် ရဲစခန်းကို တိုက်ခိုက်ခဲ့တာကြောင့် စစ်သားတွေ ထိခိုက်သေဆုံးမှုရှိတယ်လို့ လောင်းလုံး သံမဏိလိပ်ပြာတပ်ဖွဲ့ ထုတ်ပြန်ချက်နှင့် ဒေသစစ်ရေး သတင်းရင်းမြစ် ပြောဆိုချက်အရ သိရပါတယ်။ - စစ်အုပ်စုရဲ့ အလုပ်သမား ဒုဝန်ကြီး မောင်မောင်သန်းက စစ်မှုထမ်းကာလ တာဝန်ကျေပွန်ပြီးသူတွေကို အစိုးရဝန်ထမ်းအဖြစ် ခန့်အပ်ပေးဖို့ ပြည်ထောင်စု ရာထူးဝန်အဖွဲ့နဲ့ ချိတ်ဆက်ပေးတာနဲ့ ပြည်တွင်းက စက်ရုံ၊ အလုပ်ရုံနဲ့ ကုမ္ပဏီတွေမှာ အလုပ်ရဖို့ အတွက် လုပ်ငန်းရှင်တွေ၊ စက်မှုဇုန်ကော်မတီတွေနဲ့ ညှိနှိုင်းပေးမယ်လို့ မေလ ၇ ရက်နေ့က နေပြည်တော်မှာလုပ်ခဲ့တဲ့ အစည်းအဝေးမှာ ဝါဒဖြန့်မြှူဆွယ် ခဲ့ပါတယ်။ - အမေရိကန်သမ္မတ ဒေါ်နယ်ထရန့်က ရုရှားနဲ့ ယူကရိန်း ခေါင်းဆောင်တွေဟာ သူတောင်းဆိုထားတဲ့ ၃ ရက်ကြာ အပစ်အခတ်ရပ်စဲရေးနဲ့ သုံ့ပန်းလဲလှယ်ရေးကို သဘောတူပြီလို့ ပြောလိုက်တဲ့ သတင်းအပါ အဝင် နေ့လယ်ခင်းသတင်းတွေကို တင်ဆက်ပေးပါမယ်။