Khit Thit Morning News | May 16 , 2026

Khit Thit သတင်းဌာန၏ မေ ၁၆ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၆ ရက် မနက်ပိုင်း တင်ဆက်ပေးမယ့် သတင်းတွေကတော့ - မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို စစ်တပ်က မတရားဖမ်းဆီးထားတဲ့ အခြေအနေမှာ သက်ရှိထင်ရှားရှိနေသေးတယ်ဆိုတာကို တိတိကျကျသက်သေပြပေးနိုင်ဖို့ ဖိအားပေး ပေးပါဆိုပြီး သားဖြစ်သူ ကိုထိန်လင်း (ခ)ကင်မ်အဲရစ်က ပြင်သစ်သမ္မတ အီမန်နျူရယ် မက်ခရွန်ထံ စာရေးပြီး အကူအညီတောင်းထားတယ်လို့ The Diplomat က ဖော်ပြထားပါတယ်။ - တနင်္သာရီတိုင်း ရေဖြူမြို့နယ်က ခမရ ၄၀၉ တပ်ရင်းထဲကနေ ထွက်ပြေးလာတဲ့ စစ်မှုထမ်း တပ်သားသစ် ၁၀ ယောက်ကို စစ်တပ်ဘက်က လိုက်ပစ်ခဲ့တာကြောင့် ၃ ယောက် သေပြီး ၇ ယောက်ကို အသက်ရှင်လျက် ဖမ်းမိထားတယ်လို့ တပင်ရွှေထီးကိုကျိုက် ပြည်သူ့ကာကွယ်ရေးတပ်ဘက်က တာဝန်ရှိသူတစ်ဦးက ပြောပါတယ်။ - စစ်ကိုင်းတိုင်း ကလေးမြို့နယ် မော်လိုက်ကလေးအကျဉ်းထောင်မှာ နိုင်ငံရေးအကျဉ်းသား ၂၀၀ လောက်က တရားမျှတမှုနဲ့ တန်းတူညီမျှခွင့်ရချင်လို့ အစာမစားဘဲ ဆန္ဒထုတ်ဖော်ခဲ့ကြတယ်လို့ Political Prisoners Network Myanmar ဦးဆောင်ကော်မတီဝင် မရောင်နီလင်းက ပြောပါတယ်။ - အမေရိကန်သမ္မတ ဒေါ်နယ်ထရန့် တရုတ်နိုင်ငံကို သွားတဲ့ခရီးစဉ်အပြီးမှာတော့ အမေရိကန်နဲ့ တရုတ်က ပြီးခဲ့တဲ့ ၂၀၂၅ တုန်းကဖြစ်ခဲ့တဲ့ပြဿနာတွေကို ခဏဘေးဖယ်ထားပြီး နှစ်ဦးနှစ်ဖက် တကယ့်လက်တွေ့အကျိုးရှိမယ့် စီးပွားရေးကိစ္စတွေကိုပဲ ဦးစားပေးမယ့် ဆက်ဆံရေးဘက်ကို ဦးတည်လာနေတယ်လို့ လေ့လာသူတွေက သုံးသပ်ကြတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။