Ilang apektado ng lindol natatakot pang umuwi

Isinailalim sa state of calamity ang Sarangani kasunod ng magnitude 7.8 na lindol na tumama noong Lunes, June 8. Ibinahagi ni RPN-DXDX reporter Rem Agdon kay Menchu Macapagal sa NewsWatch Now na maraming residente sa bayan ng Malapatan ang piniling matulog sa town plaza sa takot na magkaroon pa ulit ng malakas na lindol. Para kay Agdon, mas nakakatakot din ang nadamang lindol ngayon kumpara sa tinutukan din niyang magkakasunod na malalakas na pagyanig noong 2019 sa Cotabato.