Khit Thit Afternoon News | May 18 , 2026

Khit Thit သတင်းဌာန၏ မေ ၁၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -အကြမ်းဖက်စစ်ခေါင်းဆောင် မင်းအောင်လှိုင်ကို သမ္မတနှင့် အစိုးရအဖြစ် တရားဝင်အသိအမှတ်ပြုဖို့ ငြင်းဆန်နေတဲ့ အာဆီယံ (ASEAN) အဖွဲ့ကနေ မြန်မာနိုင်ငံအနေနဲ့ နှုတ်ထွက်စွန့်ခွာဖို့ အာဏာရှင်ဟောင်း ဦးနေဝင်းရဲ့မြေးဖြစ်သူ အေးနေဝင်းနဲ့ ကြံ့ဖွတ်အမတ်ဟောင်း စစ်တပ်ထောက်ခံသူ ဘူးလက်လှဆွေတို့က လူမှုကွန်ရက်စာမျက်နှာတွေက တစ်ဆင့် လှုံ့ဆော်ပြောဆိုလိုက်ကြပါတယ်။ -ဗြိတိန်နိုင်ငံ လန်ဒန်မြို့ရှိ ပါလီမန်လွှတ်တော်ရှေ့မှာ စစ်ကောင်စီက မတရားဖမ်းဆီးထိန်းသိမ်းထားတဲ့ လူထုခေါင်းဆောင် ဒေါ်အောင်ဆန်းစုကြည် ကျန်းမာစွာ သက်ရှိထင်ရှားရှိနေတယ်ဆိုတဲ့ ခိုင်လုံတဲ့သက်သေပြ ပေးဖို့ တောင်းဆိုတဲ့ “PROOF OF LIFE” လှုပ်ရှားမှုကို မေလ ၁၇ ရက်နေ့က ပြုလုပ်ခဲ့ရာ ပြည်ပရောက်မြန်မာ ၄၀၀ ဝန်းကျင် တက်ရောက်ဆန္ဒထုတ်ဖော်ခဲ့ကြပါတယ်။ - မကွေးတိုင်း၊ ပခုက္ကူခရိုင်ထဲကို အကြမ်းဖက်စစ်တပ်က စစ်ကြောင်းထိုးဝင်ရောက်နေသလို ခရိုင်အတွင်းက မြို့နယ်တွေ ကို ပခုက္ကူမြို့ပေါ်ကနေ ကုန်စည်သယ်ယူခွင့်ကိုပါ စစ်အုပ်စုဘက်က ပိတ်ထားတယ်လို့ ဒေသခံတွေဆီကနေ သိရပါတယ်။ -အမေရိကန်သမ္မတ ဒေါ်နယ်ထရမ့်က အီရန်နိုင်ငံအနေနဲ့ စစ်ပွဲအဆုံးသတ်ရေး ငြိမ်းချမ်းရေးသဘောတူညီချက်ကို အမြန်ဆုံး လက်ခံလုပ်ဆောင်ဖို့ နဲ့ မလုပ်ဆောင်ရင် တော့ အီရန်နိုင်ငံ ဘာမှကျန်တော့မှာ မဟုတ်ဘူးလို့ မေလ ၁၇ ရက်နေ့ မှာ အပြင်းထန်ဆုံး သတိပေးချက် အသစ်တစ်ခု ထပ်မံထုတ်ပြန်လိုက်တဲ့ သတင်းအပါအဝင် နေ့လယ် သတင်းတွေကို တင်ဆက်ပေးပါမယ်။