សញ្ញាបត្រចិន Gaokao៖ ប្រឡងជាប់ពិន្ទុល្អ ពិតជាលើកស្ទួយជីវិតឲ្យប្រសើរឡើង ? • RFI ខេមរភាសា / RFI Khmer

"ចំណេះវិជ្ជា គឺជាស្ពានចម្លងជីវិត ទៅរកភាពប្រសើរថ្លៃថ្លា" ។ ច្រើនទសវត្សរ៍ ដែលប្រជាជនចិន ចាត់ទុក សញ្ញាបត្រ "Gaokao" (ស្មើនឹងសញ្ញាបត្រមធ្យមសិក្សាទុតិយភូមិខ្មែរ) ជាស្នូលនៃវិស័យអប់រំជាតិ ។ រៀងរាល់ឆ្នាំ មានសិស្សចិនរាប់លាននាក់ ដែលត្រូវប្រឡងយកសញ្ញាបត្រ កៅខោវ ដើម្បីអាចបន្តការសិក្សា នៅកម្រិតសកលវិទ្យាល័យបាន ។ ប្រឡងជាប់ បានពិន្ទុខ្ពស់ គឺជាក្តីប្រាថ្នា នៃសាមីខ្លួន និង ឪពុកម្តាយគ្រប់រូប ដ្បិតថាសាលាល្បីៗនៅក្នុងប្រទេស សម្រិតសម្រាំងយកសិស្សតិចតួចប៉ុណ្ណោះ ពោលគឺយកតែសិស្សណា ដែលពូកែឆ្នើមដាច់គេ ។ បន្ទាប់រៀនចប់បរិញ្ញាបត្រ ចេញពីសាលាល្អ និស្សិតចិនម្នាក់ៗ សង្ឃឹមថា នឹងអាចរកការងារ បានប្រាក់ខែខ្ពស់ និង មានមុខមាត់ក្នុងសង្គម ។ តែប៉ុន្មានឆ្នាំចុងក្រោយនេះ ដោយសារការធ្លាក់ចុះនៃកំណើនសេដ្ឋកិច្ច កង្វះទីផ្សារការងារ និង ការវាយលុកដោយបញ្ញាសិប្បនិម្មិត តម្លៃនៃសញ្ញាបត្រ កៅខោវ ហាក់ចាប់ប្រែប្រួល នៅក្នុងក្រសែភ្នែកមហាជនចិន ៕ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm