{تعاشب شاي}(2422) قانون حظر استخدام الأطفال للسوشيال ميديا : حماية للدولة من الكبار؟

من كام يوم ، بريطانيا أعلنت عن قرار.. لأول وهلة يبان بسيط ومنطقي: حظر أي حد تحت سن ١٧ سنة من استخدام السوشيال ميديا... وبريطانيا هنا ما اخترعتش الفكرة؛ دي نقلتها عن أستراليا، اللي بقت من كام شهر أول دولة في العالم تطبق حظر كامل من النوع ده. وفي مصر، فشاخة الرئيس اتكلم عن نفس الموضوع في احتفالات عيد الشرطة، واتكلم بشكل صريح عن التجربة الأسترالية كنموذج بيمبرمبه المثل في الموضوع ده. في الظاهر.. الموضوع يبان انه حرصا على أبناءنا و لحماية الأطفال من مخاطر السوشيال ميديا.. و إدمان الشاشات.. و التحرش على النت.. اللي هو هدف نبيل جدا.. مافيش اتنين ممكن يختلفوا عليه.. لكن.. لأننا مش مولودين امبارح.. و لأن الحداية مابترميش كتاكيت.. و لأننا مش عايشين في بريطانيا.. محتاجين نقف شوية كده.. و نفكر في الموضوع ده.. مين اللي مستفيد منه فعلا؟.. و مين اللي هايلبس؟ هل حضرتك واخد بالك.. ان عشان تقدر تمنع الأطفال من استخدام المواقع دي.. انت محتاج طريقة تعرف بيها أصلا انهم أطفال.. و الطريقة الوحيدة لده.. مش انك هاتسألهم.. انت طفل يا حبيبي؟.. زي هل انت روبوت كده؟.. لأ حضرتك.. الطريقة الوحيدة هي ان الكل.. كبار و صغيرين.. هايتعملهم تفتيش ذاتي حرفيا على أي مدخل للإنترنت.. أيوة حضرتك.. انت يا مواطن يا كبير يا عاقل.. هاتتفتش ذاتي عشان يتأكدوا انك كبير.. مش طفل متخفي و لابس شنب.. هاينطلب بياناتك.. و صورتك بالموبايل.. و كمان صورة بطاقتك أو باسبورك.. و هنا الخازوق.. الموضوع ده بالنسبة للمواطن البريطاني.. يعني هاتكون مجرد تكدير بسيط كده بس مش هايضره كتير.. لأن عنده قانون يحميه.. و عنده رقابة على مؤسسات الدولة من خلال الإعلام.. لكن في مصر بقى.. الموضوع حمادة تاني خالص.. و النكتة.. ان الكبار بس هم اللي هايتخوزقوا.. بينما الأطفال هايفضلوا يدخلوا على السوشيال ميديا عادي ولا حد هايقدر يمنعهم حتى لو عملت بلوك للمواقع دي عن البلد كلها أصلا.. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com