Khit Thit Morning News | April 5, 2026

Khit Thit သတင်းဌာန၏ ဧပြီ ၅ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၅ ရက် မနက်ပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ မင်းအောင်လှိုင် သမ္မတ ဖြစ်လာပေမယ့်လည်း အာဆီယံဥက္ကဋ္ဌ ဖိလစ်ပိုင်က မြန်မာ့အရေး ဖြေရှင်းဖို့အတွက် ဒေါ်အောင်ဆန်းစုကြည် ၊ ဦးဝင်းမြင့်နဲ့ နိုင်ငံရေးအကျဉ်းသားအားလုံ ချွတ်ချင်းမရှိပြန် လွှတ်ပေးဖို့ နဲ့ သက်ဆိုင်သူအားလုံး ပါဝင်တဲ့ တွေ့ဆုံဆွေးနွေးမှုတွေ ပြုလုပ်ဖို့အချက်တွေပါတဲ့ အာဆီယံဘုံသဘောတူညီချက် ၅ ရပ်ကို အကောင်အထည်ဖော်ဖို့ကိုပဲ ဆက်လက်တွန်းအားပေးသွား မယ်လို့ အတိအလင်း ကြေညာလိုက်ပါတယ်။ - မြန်မာနိုင်ငံတစ်ဝန်းမှာရှိတဲ့ စက်သုံးဆီအရောင်းဆိုင်ပေါင်း ၃၀၀၀ နီးပါးကို အကြမ်းဖက် စစ်တပ်က CCTV ကင်မရာတွေ မဖြစ်မနေ တပ်ဆင်ခိုင်းနေပြီး၊ မတပ်ဘူးဆိုရင် စက်သုံးဆီခွဲတမ်း ပိတ်သိမ်းမယ် ဆိုပြီးတော့ပါ ခြိမ်းခြောက်နေတယ်လို့ စက်သုံးဆီလုပ်ငန်းရှင်တွေက ရန်ကုန်ခေတ်သစ်ကို ပြောပါတယ်။ - ပြည်တွင်းမှာ အကြမ်းဖက် စစ်တပ်က ပြည်ပကနေ ခွင့်နဲ့ပြန်လာတဲ့ အလုပ်သမားတချို့ကို ပြည်ပအလုပ်အကိုင် အလုပ်သမား သက်သေခံကတ် OWIC ကတ်မှာပါတဲ့ အလုပ်ရှင် နဲ့ လက်ရှိအလုပ်ရှင် နာမည် မတူကိုတာကိုအကြောင်းပြပြီး ပြည်ပပြန်ထွက်ခွင့်မပြုဘူးလို့ အလုပ်သမားတချို့ က ပြောပါတယ်။ - အရှေ့အလယ်ပိုင်းက အီရန်စစ်ပွဲကြောင့် လောင်စာဆီ ပြတ်လပ်မှုတွေ ရိုက်ခတ်နေတဲ့ ဘင်္ဂလားဒေ့ရှ် နိုင်ငံမှာ စွမ်းအင်ချွေတာဖို့အတွက်ဆိုပြီး ရုံးချိန်တွေ လျှော့ချလိုက်တဲ့အပြင် မင်္ဂလာဆောင်မီး အလှဆင် တာတွေ မလုပ်ဖို့ကိုပါ ပိတ်ပင်လိုက်ပါတယ်။