سر "اللحمة الحمراء" والميزان العالي .. خطة الـ 60 يوم لتجهيز خروف العيد

سر "اللحمة الحمراء" والميزان العالي .. خطة الـ 60 يوم لتجهيز خروف العيد فاضل شهرين على العيد.. ولسه قدامك فرصة تخلي خروفك 'نمرة واحد' في السوق ..عايز ميزان يرمي معاك، ولحمة حمراء مرمرة، ودهون قليلة؟ انسى العلف العشوائي.. النهاردة هقولك خلاصة الـ 60 يوم اللي جايين عشان تحول خروفك لماكينة تحويل لحم. ركز معايا في كل كلمة!" قبل ما تفكر في العلف لازم نأمن المعدة .. أول حاجة هتعملها دلوقتي فوراً هي جرعة الديدان.. ديدان يعني تعب على الفاضي وأكل بيروح في الأرض. بعدها بـ 14 يوم كرر الجرعة تاني. وتاني حاجة، جرعة 'الكلوستريديا' أو التسمم الدموي والمعوي، دي اللي بتحميك من الموت المفاجئ لا قدر الله مع ضغط العلف المركز. ومتشغلش بالك بالوزن لو الخروف فيه جرب أو براغيث.. نظافة الجلد هي أول طريق التحويل العالي." نيجي بقى لعليقة اللحم الأحمر .. وإزاي نعلي التحويل ونقلل الدهن؟ إحنا محتاجين بروتين عالي (حوالي 14% لـ 16%) في البداية. خلطتك لازم تكون متوازنة: الذرة الصفراء: هي الطاقة، بس كترها بيزود الدهن، فخلينا نوزنها بـ الردة. كسب الصويا أو كسب عباد الشمس: ده مصنع اللحم والبروتين. الألياف: شوية دريس حجازي أو تبن، عشان الهضم يفضل شغال صح. بس نخلي بالنا .. لازم نقدم العلف بنظام الوجبات مرتين في اليوم في مواعيد ثابتة .. وبلاش نسيب العلف قدام الخرف طول اليوم علشان ميعملوش لكنة السر في اللحم الأحمر .. هنقلل العيش المبلول والنشويات الزيادة في آخر شهر، وهنزود 'الأملاح المعدنية' و'خميرة العلف'. الخميرة دي هي اللي بتخلي الكرش شغال بأعلى كفاءة وبتمتص كل فرفوتة علف." وطبعا الميه لازم تكون قدام الخروف نضيفه وباردة 24 ساعة .. علشان الميه هي اللي بتصرف السموم وبتساعد في بناء العضل. ونحافظ على التهوية علشان احنا داخلين على موجه حر شوية .. الخروف لو حرّان مش هياكل، ولو المكان زحمة هيخس. ولو تقدر تسيب الخروف يتمشى ساعة الصبح، ده بيخلي اللحم يشد والدهون تتوزع، ويديك اللحم 'المرمر' اللي الناس بتدور عليه." الـ 60 يوم دول هما 'فترة الدهب'.. التزم بالجدول، ونضف كِرش خروفك، واهتم بجودة العلف، وهتلاقي يوم العيد عندك وحش مش مجرد خروف. لو عندك أي استفسار عن نوع علف معين أو جرعة طبية، اكتبلنا في التعليقات .. ومتنساش اللايك والشير علشان يوصلك كل جديد من أسرار أرض الخير .