നാല് നൂറ്റാണ്ടിന്റെ തലയെടുപ്പ്; ശില്‍പിയാരെന്നറിയാത്ത തിരുമലനായ്ക്കര്‍ കൊട്ടാരം

ഇരുവര്‍, ബോംബെ, ഗുരു അങ്ങനെ എത്രയോ സിനിമകളിലൂടെ കണ്ട് പരിചിതമായ ഇടം, മണിരത്‌നത്തിന്റെ പ്രിയ ലൊക്കേഷന്‍, വാസ്തുശില്പ കലയുടെ മഹത്തായ മാതൃക- മധുരൈയിലെ തിരുമല നായക്കര്‍ കൊട്ടാരം. മധുര മീനാക്ഷി ക്ഷേത്രത്തില്‍ നിന്ന് വെറും 1.2 കിലോമീറ്റര്‍ മാത്രം അകലമേ ഈ മഹലിലേക്കുള്ളൂ.രാവിലെ 9 മുതല്‍ വൈകുന്നേരം 5 വരെയാണ് ഇവിടേക്ക് പ്രവേശനം. മധുരയിലെ നായ്ക് ഭരണാധികാരികളില്‍ ഏറ്റവും മഹാനായ തിരുമല നായ്ക്കര്‍ 1636-ല്‍ സിര്‍ക്കയില്‍ നിര്‍മ്മിച്ചതാണിത്. യൂറോപ്യന്‍ വ്യാപാരികള്‍ മധുരയില്‍ പതിവായി എത്തിയിരുന്ന കാലത്ത് രാജകീയ വസതിയായും രാഷ്ട്രീയ കേന്ദ്രമായും രാജാവ് ഇവിടം ഉപയോഗിച്ചിരുന്നു. അന്ന് തിരുമല നായ്ക്കര്‍ താമസിച്ചിരുന്നതും കോടതി വഹിച്ചിരുന്നതുമായ പ്രധാന ഭാഗമാണ് ഇന്ന് നാം കാണുന്ന കെട്ടിടം. യഥാര്‍ത്ഥ കൊട്ടാര സമുച്ചയം ഇന്നുള്ളതിനേക്കാള്‍ നാലിരട്ടി വലുതായിരുന്നെന്നാണ് വിവരം. തിരുമല നായ്ക്കരുടെ കൊച്ചുമകന്‍ തിരുച്ചിറപ്പള്ളിയില്‍ സ്വന്തം കൊട്ടാരം നിര്‍മ്മിക്കുന്നതിനായി ഈ കൊട്ടാരത്തിലെ ആഭരണങ്ങളും തടികൊത്തുപണികളും നീക്കം ചെയ്‌തെന്നാണ് ബ്രിട്ടീഷ് രേഖകളിലുള്ളത്. കൊട്ടാരം നിര്‍മ്മിക്കുമ്പോള്‍ രാജാവ് ഒരു ഇറ്റാലിയന്‍ വാസ്തുശില്പിയെ നിയമിച്ചതിനാല്‍ ദ്രാവിഡ, ഇസ്ലാമിക വാസ്തുവിദ്യാ ശൈലികളുടെ സമ്മിശ്രമാണ് ഇവിടെയുള്ളതെന്നാണ് പറയപ്പെടുന്നത്. എന്നാല്‍ കൊട്ടാരത്തിന്റെ യഥാര്‍ഥ ശില്‍പിയാരാണെന്ന് ഒരു ചരിത്രരേഖകളിലുമില്ല. Click Here to free Subscribe: https://bit.ly/mathrubhumiyt Stay Connected with Us Website: https://www.mathrubhumi.com/ Facebook- https://www.facebook.com/mathrubhumidotcom/ Twitter- https://twitter.com/mathrubhumi?lang=en Instagram- https://www.instagram.com/mathrubhumidotcom/ Telegram: https://t.me/mathrubhumidotcom Whatsapp: https://www.whatsapp.com/channel/0029Va4t1Y59xVJfh11qY12p #Mathrubhumi