குழந்தைகளின் வாழ்வில் ஒலி எனும் புதிய அத்தியாயம் தொடக்கம்! நவீன கேட்கும் கருவிகள் வழங்கல்!

பிறந்தது முதல் தங்கள் பெற்றோரின் குரலைக் கூடக் கேட்க முடியாமல் இருந்த குழந்தைகளுக்கு, நவீன கேட்கும் கருவிகள் (Hearing Aids) வழங்கப்பட்டன. இதன் மூலம் அந்தக் குழந்தைகளின் வாழ்வில் 'ஒலி' எனும் புதிய அத்தியாயம் தொடங்கி வைக்கப்பட்டது. மேலும் குடும்ப வன்முறை மற்றும் பொருளாதாரச் சிக்கல்களால் பாதிக்கப்பட்ட பெண்கள் சுயமரியாதையுடன் வாழ வழிவகை செய்யப்பட்டது. இதற்காகக் கோயில்களின் முன்பு பூக்கள் விற்பனை செய்யக்கூடிய பிரத்யேக 'மலர் விற்பனை வண்டிகள்' பயனாளிகளுக்கு வழங்கப்பட்டன. நிகழ்வு குறித்து குட் டீட்ஸ் கிளப் நிறுவனர் மற்றும் தலைவர் அப்ஸரா ரெட்டி பேசுகையில்: பல ஆண்டுகளாக குட் டீட்ஸ் கிளப் மனிதநேய சேவைகளின் மூலம் பலரின் வாழ்க்கையில் மாற்றத்தை ஏற்படுத்தி வருகிறது. இந்த 'Dignity Project' மூலம் குழந்தைகளுக்கு ஒலியையும், பெண்களுக்குத் தற்சார்பு வாழ்வாதாரத்தையும் வழங்குகிறோம். இந்த முயற்சிக்குச் சமுதாயத்தின் அனைத்துத் தரப்பினரும் தங்களின் ஆதரவை வழங்க வேண்டும் என கேட்டுக்கொண்டார் இந்த நெகிழ்ச்சியான நிகழ்வில் பிரிம்ரோஸ் கல்வி அறக்கட்டளையின் தலைவரும், பள்ளியின் இயக்குநருமான சிந்துரா அரவிந்த், சமூக ஆர்வலர்கள், கல்வியாளர்கள் மற்றும் தொழில்முனைவோர் எனப் பல முக்கியப் பிரமுகர்கள் கலந்துகொண்டு பயனாளிகளை வாழ்த்தினர்.