“ရံင်ကဵုသြန်ဂိတုတုဲ ကၠောန်မံင်ဟွံသေင်၊ စေတနာဟွံမွဲမ္ဂး ကၠောန်ဟွံမာန်ပုဟ်”

“ရံင်ကဵုသြန်ဂိတုတုဲ ကၠောန်မံင်ဟွံသေင်၊ စေတနာဟွံမွဲမ္ဂး ကၠောန်ဟွံမာန်ပုဟ်” အ္စာဗြဴ ဗ္တောန်လိက်ပ္ဍဲဘာကောန်ဂကူမန် တန်ဒေါဝ် ကွာန်တၟံကၞေင်မွဲတၠ ဒေါံဇူနူတာလျိုင်တုဲ အခိင်ဂကောံအ္စာ၊ အ္စာဗြဴသှ်ေမံင်တအ် ကၠောန်သ္ပပေါဲဆက်ဂလာန် ပ္တိုန်စရာဲနကဵုဗီုရုပ်ဇၞော်ဇၞော်မွဲတၞးဂှ် ဟီုဂးတိုန်ဂလာန်လ္တူဂှ်ရ။ အ္စာဗြဴ ဒေါံဇူနူတာလျိုင်ဂှ်ဝွံ မၞုံယၟုမိကေသဳဆာန် ယိုက်ဂၠေင်ကၠုင်လဝ် တာလျိုင်ဂကူ သွာင်ပရေင်ပညာ ပွိုင် (၁၆) သၞာံဒှ်ရောင် ချူဓမံက်လဝ် ပ္ဍဲကဵုမုက်လိက်ပရေင်မၞိဟ် ဘာကောန်ဂကူမန်တန်ဒေါဝ် ကွာန်တၟံကၞေင် မပ္တိုန်လဝ် ပ္ဍဲတ္ရဲဏအ် (ဂိတုမာတ် ၆၊ ၂၀၂၆) ဂှ်ရ။ “အ္စာဗြဴဏအ်ဂှ်တှ်ေ ညးယိုက်ဂၠေင်လဝ်တာလျိုင် ပွိုင် (၁၆) သၞာံ၊ ထေက်ကဵုပိုဲဒးကေတ်ဂုဏ်စရာဲ၊ ညးဂွံဒေါံဇူဂှ်တှ်ေ ပရေင်ခက်ခုဲညးနွံမံင်နာနာသာ်လေဝ်၊ ပိုဲတံဂှ် ကဵုအ္စာဗြဴ မိကေသဳဆာန်ဏအ်ဂှ် ပံင်တောဲကၠုင်လဝ်နူကဵုတၟာလအ်ရလေဝ်၊ ဒးဟီုတှ်ေ ပိုဲဂိုဟ်မံင်” သာ်ဏအ်လေဝ် အ္စာဗြဴမွဲတၠဂှ် ဟီုဂးလဝ်ရ။ အ္စာဗြဴမိကေသဳဆာန်ဂှ် သီုဒှ်ညးမၞုံကဵုစိုတ်ဓါတ်သဝ်၊ ဇြိုဟ်နက်ကဵုလ္တူကမၠောန်မွဲတၠရောင် ဂးရ။ ပ္ဍဲကဵုရုပ်ဂမျိုင်ဏအ် ဂွံဆဵုကေတ်ကၠးကၠးမွဲသာ်ဂှ် သံယောဇိုန် အကြာညးမဒှ်အ္စာတအ်ရ၊ င္ရိတ်အေင်ကၠေံ ပရေင်ဒုင်စသိုင်ပူဂဵုဇကုတုဲ ဂ္စာန်ဟီုပ္တိတ်မံင်ဂလာန်ပံက်သြိုဟ် သွက်မိကေသဳဆာန်ဂှ် ဂွံဗဵုကေတ်ရ။ တုဲပၠန် ပ္ဍဲကဵုသၞာံဏအ်ဝွံ အ္စာဘာကောန်ဂကူမန် ဒေါအ်ဇူ ဂၠိုင်င်ကွေံကွေံ ဂးတုဲ ညးမွဲတၠဂှ် ချူစုတ်လဝ် comments သၟဝ်ရုပ်ဂမျိုင် (Video) ဂှ်ကီုရ။ “သၞာံဏအ် အာစာဘာကောန်ဂကူမန် ဒေါအ်ဇူ ဂၠိုၚ်ကွေံကွေံ၊ ပွအာစာဘာ မဒေါအ်ဇူမံၚ်ဏအ်ဂှ် ညးက္ဍိုက်က္ဍိုပ်ဌာနပရေၚ်ပညာကောန်ဂကူမန် အဆံၚ်ဆံၚ်တအ် ဟွံထေက်ကဵုစွံအာရီုမဇ္ဇျဟ်တုဲ၊ သ္ပတၚ်အဓိကဇမၞော်မွဲတုဲ ထေက်ကုမဒးဇွိတ်သပေါတ် သ္ၚေဝ်ဂၠိပ်ဇြိုဟ်ဟ်နက်က်ရ။ ဗီုလဵုသ္ပမ္ဂး အာစာဘာဂွံတန်ကြန်အာ ပ္ဍဲဘာ ဗွဲအဓာန်မလအ်လမာန် မဒးပတိတ်ဒြဟတ်လွဳပရာအာရောၚ်” Video - Mon National Middle School Tamawkanin