O PSOE reclama para Pontevedra un albergue municipal para afrontar o ‘senfogarismo’

O PSOE de Pontevedra quere poñer o foco na atención das persoas sen fogar que viven nas rúas da cidade. A formación levará ao vindeiro pleno unha moción cun dobre obxectivo: a creación dun albergue municipal e a activación do programa Housing First, que pon a disposición de persoas en situación de senfogarismo crónico vivendas normalizadas con acompañamento social intensivo. Segundo Cruz Vermella, no 2024 eran 253 as persoas sen fogar na capital pontevedresa.