Alloh senga yaxshilik qilgani kabi sen ham yaxshilik qil / Ramazonda kechirimli boʻlish

Ramazon madrasasi "Ramazon Allohni sifatlari bilan xulqlanish oyi" Abdulloh ibn Abbos roziyallohu anhumo aytadilar: "Rasululloh alayhissalom odamlarning eng saxiysi edilar. Eng saxiy vaqtlari esa Ramazonda, Jabroil u kishiga yo'liqadigan paytda edi.." (Buxoriy) Dars: Rasululloh sollallohu alayhi va sallam ramazonda saxovatlari ziyoda bo‘lishining sabablaridan biri , ushbu oyda Allohning saxovati ziyoda bo‘lishi. Shuning uchun bu oyni "Ramazon karim"  ya'ni , "Saxovatli Ramazon" deyiladi.  Ramazondan 12 kun o‘tdi.. Ramazon seni nimangni ziyoda qildi..? Ramazonda Allohning qaysi sifatini ojiz bandaga xos uslubda bo'lsa-da o‘zingda shakillantirding? Ramazonda Alloh jannat eshiklarini ochadi. Sen kimga va qanday yaxshilik eshiklaringni ochding? Kimga qalbing jannatidan joy berding? Ramazonda Alloh jahannam eshiklarini yopadi. Sen kimga va qanday yomonlik eshiklaringni yopding? Kimga qalbingdagi otash eshiklarini yopding? Ramazonda Alloh shaytonlarni jilovlaydi. Sen kimga va qaysi shaytoniy xulqingni jilovlading? Kimdan g‘azab va nafratingni jilovlading? Ramazonda Alloh har kecha kimlarnidir jahannamdan ozod qiladi. Sen kimni va qaysi ishidan ozod qilding ? Sendan qarzdor kimni qarzini kechding? Ramazonda Alloh osiylarni kechiradi. Sen amringga osiy bo‘lgan kimni jazosini kechding? Ramazonda Alloh ozgina amalga ko‘paytirib savob beradi. Sen kimga va qaysi ishiga oshig‘i bilan mukofot berding.. "Alloh senga yaxshilik qilgani kabi sen ham yaxshilik qil.." (Qasos.77) #ramazon #sabr #abdulloh_zufar #abdullohzufar #iymon #ibodat #tavba #qarz