Tragjedi në Ferizaj: Foshnja lind në tualetin e emergjencës, por humb jetën!

Policia e Kosovës ka njoftuar se ka nisur hetimin për një rast që e ka cilësuar si “vrasje e foshnjës gjatë lindjes” që ka ndodhur në Emergjencën e Ferizajt të hënën në mbrëmje. Sipas Policisë një paciente ka shkuar në Emergjencë rreth orës 19:00 të martën dhe siç thuhet “në tualetin e Emergjencës kishte lindur foshnjën e saj”. Por një burim brenda Spitalit të Ferizajt, ka thënë se pacientja ka shkuar me ankesa për kapsllëk, probleme me zorrë dhe gjakderdhje dhe ka kërkuar të shkojë në banjo. Burimi ka thënë se ajo është mbyllur në banjo dhe ka kryer lindjen. “Kur e kanë hapur derën e kanë parë foshnjën në shportë. Menjëherë e kanë dërguar lartë dhe atje kanë bërë reanimimin, pa sukses”, ka thënë burimi. Sipas burimit foshnja ka qenë e lagur dhe në hipotermi me temperaturë nën 32 gradë, tonet e zemrës nën 100 e oksigjeni nën 60. 👉 Për më shumë video si kjo, subscribe në kanal 🔔