Khit Thit Morning News | April 6, 2026

Khit Thit သတင်းဌာန၏ ဧပြီ ၆ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၆ ရက် မနက်ပိုင်း တင်ဆက်ပေးမယ့် သတင်းတွေကတော့ -မြန်မာနိုင်ငံမှာ စစ်အာဏာသိမ်းမှုကြောင့် ပေါ်ပေါက်လာတဲ့ ရှုပ်ထွေးတဲ့ နိုင်ငံရေးပြဿနာတွေကို ဖြေရှင်းရာမှာ လူထုခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံညှိနှိုင်းဆွေးနွေးမှုတွေမရှိဘဲ ဘယ်လိုမှပြေလည်ရေးလမ်းစ ရရှိနိုင်မှာမဟုတ်ကြောင်း အမျိုးသားဒီမိုကရေစီအဖွဲ့ချုပ် (NLD) က သဘောထားထုတ်ပြန်ချက်တစ်ရပ် မနေ့က ထုတ်ပြန်ပါတယ်။ - မြန်မာနိုင်ငံရဲ့ နာမည်ကြီးစီးပွားရေးသမားတစ်ဦးဖြစ်တဲ့ ခရိုနီတေဇ နဲ့ သူ့သား ပြည့်ဖြိုးတေဇ အပါအဝင် ထူးကုမ္ပဏီဒါရိုက်တာတွေကို ပို့ကုန်ရငွေမပေးသွင်းမှုနဲ့ စစ်တပ်ဘက်က အမည်ပျက် စာရင်းထဲ ထည့်ပြီး ကြေညာလိုက်ပါတယ်။ - မွန်ပြည်နယ်၊ သထုံမြို့နယ်၊ သိမ်ဆိပ်တိုက်နယ်ဆေးရုံမှာ တာဝန်ကျနေတဲ့ ဆရာဝန်ဒေါက်တာ သက်ထူးအေးအောင်ရဲ့ ပေါ့ဆတဲ့ဆေးကုသမှုကြောင့် အသက် ၄ နှစ်အရွယ် ကလေးငယ်တစ်ဦး မိနစ်ပိုင်းအတွင်း အသက်ဆုံးရှုံးခဲ့ရတဲ့ဖြစ်စဉ်တစ်ခု မတ်လကုန်ပိုင်းမှာဖြစ်ခဲ့ပြီး ဒီကိစ္စနဲ့ပတ်သက်ပြီး တာဝန်ရှိသူတွေ စုံစမ်းစစ်ဆေးပေးဖို့ မိသားစုဝင်တွေက တရားမျှတမှုကို တောင်းဆိုနေကြပါတယ်။ - လက်ရှိအရှေ့အလယ်ပိုင်းမှာဖြစ်ပွားနေတဲ့ စစ်ပွဲတွေကြောင့် ကမ္ဘာ့ရေနံနဲ့ သဘာဝ ဓာတ်ငွေ့ တင်ပို့မှုရဲ့ ငါးပုံတစ်ပုံခန့် ဖြတ်သန်းသွားလာနေရတဲ့ ဟော်မုဇ်ရေလက်ကြားကို အီရန်ဘက်က ပိတ်ဆို့ ထားလိုက် တဲ့ အတွက် ကမ္ဘာ့စွမ်းအင်စျေးကွက်မှာတင်မကဘဲ လေကြောင်းလိုင်းတွေမှာပါ အခက် အခဲတွေ အကြီးအကျယ်ကြုံနေရပါတယ်။ ဒီလို ပိတ်ဆို့ထားတဲ့ကြားကနေ သင်္ဘောတွေ ဘေးကင်းချောမွေ့စွာ ဖြတ်သန်းနိုင်ဖို့အတွက် အိုမန်နဲ့ အီရန်နိုင်ငံက ဒုတိယနိုင်ငံခြားရေးဝန်ကြီးအဆင့် တာဝန်ရှိသူတွေဟာ စနေနေ့က မက်စကတ်မြို့မှာ တွေ့ဆုံဆွေးနွေးခဲ့ကြတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။