{تعاشب شاي}(2396) بورنو الإلهام: إزاي بنسقف لفشل المنظومة؟

أكيد شفت الفيديو. شاب صغير، قاعد على الأرض في موقع شغل، قدامه رغيف عيش و علبة جبنة فاضية يادوب فيها بواقي.. مفيش أي حاجة تانية. واحد زميله بيصوره وبيتريق عليه وبيقوله يا بخيل، والكل بيضحك. الشاب بيرد بمنتهى الهدوء والثبات: "ده من عرق جبيني، أنا مش محتاج مساعدة من حد، ربنا موجود". الفيديو طبعا كسر الترند.. كلنا عملنا شير، وكلنا كتبنا بوستات طويلة عريضة عن الكرامة وعزة النفس ورجولة الشاب المصري المكافح اللي بياكلها بالحلال. عروض المساعدة انهالت عليه من كل حتة، فلوس وتبرعات وعروض علاج، والولد، اللي اسمه جلال وعنده 18 سنة، رفض كل ده وقال أنا بس فرحان بدعاء الناس. قصة ملهمة جدا. تنفع نهاية مثالية لفيلم من بتوع التمانينات، وتقوم تقفل شاشة الموبايل وأنت حاسس بانتصار أخلاقي وهمي إن الدنيا لسه بخير. إحنا بنعشق القصص دي، لأنها بتدينا إحساس مريح من غير ما نضطر نسأل أسئلة مزعجة. بس لو شيلنا الفلتر الرومانسي ده.. وبصينا على المشهد على حقيقته..، هنكتشف حاجة بتقلب كل المعادلة. إننا اخترنا نحييه على صبره وعزة نفسه، عشان دي سكة أسهل بكتير من إننا نسأل نفسنا: إزاي شاب لسه بيبدأ حياته يضطر ياكل عيش حاف عشان يوفر أي مليم؟ المشهد ده ملوش أي علاقة بقصص الكفاح الملهمة. ده نتيجه طبيعية لفشل ضارب في أساس المنظومة. كارثة بتحط ملايين المصريين كل يوم قدام اختيار صعب.. يا إما ياكلوا زي البني ادمين..، يا إما يتعالجوا عشان مايتعموش. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com