စစ်ပွဲကြားက အသက်ကယ် ဆက်သွယ်ရေး

ဖုန်းမမြည်တော့တဲ့ အညာဒေသမှာ အသက်ကယ်သံ ဖြစ်လာတဲ့ ‘အိုင်ကွန်’ ------------ စစ်ကိုင်းနဲ့ မကွေးတိုင်း အပါအဝင် အညာဒေသတချို့မှာ အင်တာနက်နဲ့ ဖုန်းလိုင်းတွေ လနဲ့ချီ ဖြတ်တောက်ခံထားရချိန်၊ ဒေသခံတွေဟာ “အိုင်ကွန်” လို့ ခေါ်တဲ့ စကားပြောစက်တွေကို အသက်ကယ် ဆက်သွယ်ရေးအဖြစ် အားထားလာကြပါတယ်။ လေကြောင်းတိုက်ခိုက်မှုနဲ့ စစ်တပ်စစ်ကြောင်းသတင်းတွေကို အချိန်မီ သိရှိနိုင်ဖို့၊ ရွာအချင်းချင်း သတင်းပေးနိုင်ဖို့၊ လူမှုရေးကိစ္စတွေ ဆက်သွယ်နိုင်ဖို့ ဒီစက်တွေဟာ အညာဒေသမှာ မရှိမဖြစ် ဖြစ်လာနေပါတယ်။ “အရေးပေါ်… အရေးပေါ်…” ဆိုတဲ့ အသံတွေဟာ တချို့ဒေသခံတွေအတွက် သတင်းတစ်ခုထက် ပိုပြီး အသက်ရှင်ဖို့ သတိပေးချက်တစ်ခု ဖြစ်လာနေပါတယ်။ သတင်းနှင့်ရိုက်ကူး - တင်စိုး(အညာမြေ)/ Myanmar Now #MyanmarNow #Sagaing #myanmarnow ------------------------------------------- Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။