முதலமைச்சர் மு.க.ஸ்டாலின் பிறந்த நாள் - விருதுநகரில் இனிப்பு மற்றும் அன்னதானம் வழங்கப்பட்டது

தமிழக முதலமைச்சர் திரு. மு.க. ஸ்டாலின் அவர்களின் பிறந்தநாளை முன்னிட்டு, விருதுநகரில் பொதுமக்களுக்கு இனிப்பு மற்றும் அன்னதானம் வழங்கி உற்சாகமாகக் கொண்டாடப்பட்டது. முதலமைச்சரின் பிறந்தநாளையொட்டி தமிழகம் முழுவதும் திமுகவினர் பல்வேறு நலத்திட்ட உதவிகளை வழங்கி வருகின்றனர். இதன் ஒரு பகுதியாக, விருதுநகர் நகர திமுக சார்பில் அம்மன் கோயில் திடலில் சிறப்பான கொண்டாட்டங்கள் நடைபெற்றன. விருதுநகர் நகர்மன்றத் தலைவர் திரு. ஆர். மாதவன் தலைமையில் நடைபெற்ற இந்த நிகழ்வில், பொதுமக்களுக்கு இனிப்புகள் மற்றும் அசைவ பிரியாணி மதிய உணவாக வழங்கப்பட்டது. இந்த விழாவில் நகரச் செயலாளர் தனபாலன், பொதுக்குழு உறுப்பினர் மதியழகன், நகர்மன்ற உறுப்பினர்கள் மற்றும் கட்சி நிர்வாகிகள் என ஏராளமானோர் கலந்துகொண்டு சிறப்பித்தனர்.