ANG PAGDATING NI MAYOR ISKO MORENO SA PLM NAG HATID NG MINSAHI @Manetvvlogs

Ipinahayag ni Manila Mayor Francisco “Isko” Moreno Domagoso ang kanyang paghanga at tiwala sa kakayahan ng mga kabataan na maging mga susunod na lider ng bansa sa kanyang mensahe bilang keynote speaker sa Youth Peace Summit 2026: Voice of the Youth – 3rd National Oratorical Contest na inorganisa ng The Rotary Club Manila Bay na ginanap sa Bulwagang Balagtas, PUP Manila Campus. Malugod niyang tinanggap ang mga kabataang delegado mula sa iba't ibang panig ng bansa at binigyang-diin ang kahalagahan ng pagpapahayag ng opinyon at paninindigan sa tama, maayos, at magalang na paraan. Ayon kay Mayor Isko, ang oratorical contest ay higit pa sa isang paligsahan sa pagsasalita. Isa itong pagsasanay sa disiplina ng pag-iisip at malinaw na layunin, kung saan natututo ang mga kabataan na magsaliksik, gumamit ng ebidensiya at lohika, at maglatag ng mga argumentong maaaring magbigay-inspirasyon at magdulot ng positibong pagbabago sa lipunan. Sa temang “Youth United for Diversity, Equality and Inclusivity,” ipinakita ng mga kalahok ang husay, talino, at potensiyal ng mga kabataang Pilipino. “Sana ang ilang national leader ay nandito upang matunghayan kung gaano kagaling ang mga kabataang Pilipino sa ating bansa,” ani Yorme Isko. #ManilaPIO #AlertoManileño