{تعاشب شاي}(2391) لماذا نعشق المستبدين؟

القهوة في مجتمعنا.. تقدر تعتبرها مثال واضح للماتريكس اللي في حياتنا.. كرسي القهوة اللي بيقعد عليه المواطن هو جهاز برمجة المخ.. و لاي الشيشة اللي في ايده هو الكابل اللي بيوصل دماغه بسيرفرات ماتريكس الجنان السياسي.. الواحد و هو قاعد بيشرب كوباية الشاي و الحجرين.. تلاقي دماغه بيعمل عمليات معالجة بيانات تخلي أجدعها سوبر كمبيوتر يجيب شاشة كحلي مش زرقا! تلاقيه في يوم بيلعن سلسفيل إيران عشان اللي عملته في سوريا.. و بعدها بكام يوم.. نفس المواطن.. على نفس الكرسي في نفس القهوة.. قاعد يهلل و يكبر عشان شاف في الأخبار ان إيران ضربت صواريخ على إسرائيل.. كأنه بيشجع ريال مدريد وبرشلونة في نفس الماتش، أو كأننا في غزوة أحد بس واقفين ناخد سيلفي مع الكفار. في 2012 كنا بندعي على إيران عشان بتدبح السوريين وبتدعم بشار.. وفي بداية 2024 فجأة وبقدرة قادر.. التناقض مش حاجة جديدة.. ده تركيبة تاريخية متأصلة فينا. في ٢٠٢٤ اتعملت استطلاعات رأي في الشارع العربي.. في ١٦ دولة عربية.. عن موقف الناس من ايران.. و النتيجة؟… ٤٨٪ كان موقفهم إيجابي جدا من ايران.. بسبب دعمها لغزة.. نفس الشارع، نفس الناس، نفس القهاوي اللي كانت بتشتم إيران من 2011 لحد 2013 وهي بتدعم بشار الأسد وبتبعتله ميليشيات تدبح الشعب السوري.. إزاي نفس الشخص اللي كان بيبكي على أطفال سوريا، هو نفسه اللي بيهلل لنفس النظام الإيراني اللي شارك في قتلهم دلوقت؟ للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ