အချင်းချင်းကျည်ပေါက်တဲ့ကိစ္စတွေမဖြစ်ဖို့ NUG နဲ့ဆွေးနွေးခဲ့တယ် (ရုပ်/သံ)

အမျိုးသားညီညွတ်ရေးအစိုးရ (NUG) နဲ့ နွေဦးတော်လှန်ရေးမဟာမိတ်တပ်ပေါင်းစု (SRA) တို့တွေ့ဆုံမှုမှာ တော်လှန်ရေးတပ်ဖွဲ့တွေ အချင်းချင်းကြားမှာ ကျည်ပေါက်တဲ့ကိစ္စတွေမဖြစ်စေဖို့ ဆွေးနွေးခဲ့တယ်လို့ SRA ရဲ့ ဦးဆောင်ကော်မတီဝင် ကိုမင်းဟန်ထက်ကပြောပါတယ်။ SRA အနေနဲ့ NUG အပြင်အမျိုးသားညီညွတ်ရေးအတိုင်ပင်ခံကောင်စီ (NUCC) တို့ကို ဖေဖော်ဝါရီလကုန်ပိုင်းမှာ တွေ့ဆုံမှုတွေပြုလုပ်ခဲ့ပါတယ်။ ဒီဆွေးနွေးမှုတွေမှာတော့ နှစ်ဖက် စစ်ရေး နိုင်ငံရေးနဲ့ အခြားကိစ္စရပ်တွေမှာ ပူးပေါင်းဆောင်ရွက်မယ့်ကိစ္စတွေအပြင် နှစ်ဖွဲ့လုံးမှာမပါဝင်တဲ့ ဒေသအခြေပြုတပ်တွေအကြောင်းလည်း အလေးထား ဆွေးနွေးခဲ့ကြတယ်လို့ဆိုကြပါတယ်။ ဒီအကြောင်းအရာတွေ အပါအဝင် NUG နဲ့ SRA ကြားမှာ ဆွေးနွေးခဲ့တဲ့အချက်တွေ သိရှိနိုင်ဖို့ SRA ရဲ့ ဦးဆောင်ကော်မတီဝင် ကိုမင်းဟန်ထက်ကို ဧရာဝတီက ဆက်သွယ်မေးမြန်းထားပါတယ်။ #မြန်မာ #ဧရာဝတီ #မင်းဟန်ထက် #SRA #NUG #NUCC #WhatIsHappensInMyanmar