Kechaning oxirgi uchdan birida duo qilish | Shayx Abdulloh Zufar

Kechaning oxirgi uchdan biri — duo, istigʻfor va tavba uchun eng fazilatli vaqtlaridan biridir. Rasululloh sollallohu alayhi vasallam sahih hadisda aytganlar: • “Robbimiz har kecha tunning oxirgi uchdan biri qolganda dunyo osmoniga tushadi va: “Kim Menga duo qiladi, ijobat qilaman. Kim Mendan soʻraydi, beraman. Kim Mendan magʻfirat soʻraydi, kechiraman”, deydi.” Bu vaqt — qalb eng sokin, riyo eng uzoq, banda esa Robbiga eng yaqin boʻladigan lahzalardandir. Shu sababli solih zotlar tahajjudga turib, yigʻlab duo qilishni katta ne’mat deb bilishgan. Kechaning oxirgi uchdan birida: Tahajjud oʻqish, Istigʻfor aytish, Qur’on tilovat qilish, Dunyo va oxirat uchun duo qilish juda fazilatli amal hisoblanadi. Alloh taolo Qur’onda ham saharlarda istigʻfor aytuvchilarni мақтаган: • “Ular saharlarda magʻfirat soʻar edilar.” ( Qur'an, Zoriyot surasi 18-oyat ) #abdullohzufar #duolar #tahajjud