လောက်ကိုင် ကျားဖြန့်ဂိုဏ်းက မြီရှောက်ချန်းမိသားစုဝင်များအပါအဝင် ၁၁ ဦးကို တရုတ်ကွပ်မျက်

လောက်ကိုင် ကျားဖြန့်ဂိုဏ်းက မြီရှောက်ချန်းမိသားစုဝင်များအပါအဝင် ၁၁ ဦးကို တရုတ်ကွပ်မျက် ------------------------- မြန်မာနိုင်ငံက ရာဇဝတ်ဂိုဏ်းတွေနဲ့ ဆက်နွှယ်နေပြီး ကျားဖြန့် အွန်လိုင်းငွေလိမ်လုပ်ငန်းတွေမှာ ပါဝင်ခဲ့သူ ၁၁ ယောက်ကို တရုတ်တရားရုံးက ဒီနေ့ ဇန်နဝါရီ ၂၉ ရက်နေ့မှာ ကွပ်မျက်လိုက်ပြီလို့ တရုတ်အစိုးရပိုင် မီဒီယာတွေက သတင်းထုတ်ပြန်လိုက်ပါတယ်။ အခုကွပ်မျက်ခံခဲ့ရသူတွေဟာ ၂၀၂၃ ခုနှစ်၊ နိုဝင်ဘာလအတွင်း မြန်မာနိုင်ငံ၊ ရှမ်းပြည်နယ်မြောက်ပိုင်း လောက်ကိုင်မြို့မှာ ဖမ်းဆီးခံခဲ့ရတဲ့ ဦးမြီရှောက်ချန်းရဲ့ မိသားစုဝင်တွေ ဖြစ်ပါတယ်။ လောက်ကိုင်မြို့မှာ နေထိုင်ခဲ့တဲ့ သူတို့မိသားစုကို သွားရောက်ဖမ်းဆီးချိန်က ဦးမြီရှောက်ချန်းဟာ ပစ္စတိုသေနတ်နဲ့ ကိုယ့်ကိုယ်ကိုယ် အဆုံးစီရင်သွားခဲ့တယ်လို့ စစ်ကော်မရှင်က ထုတ်ပြန်ခဲ့ပါတယ်။