ငလျင်အရေးကို အာဏာမြဲရေးလောက် စစ်ဗိုလ်ချုပ်တွေ စိတ်မဝင်စား (ရုပ်/သံ)

နေအိမ်တွေ ပြန်မဆောက်နိုင်ဘဲ ယာယီရွက်ဖျင်တဲတွေအောက်မှာ ဘဝကို ခက်ခက်ခဲခဲ တည်ဆောက် နေရတဲ့ ဒီမြင်ကွင်းတွေက မြန်မာ့မြေပေါ်မှာ သဘာဝဘေးရဲ့ နောက်ဆက်တွဲဒဏ်ကို ပြည်သူတွေ ဘယ်လောက်အထိ အထီးကျန်စွာ ခံစားနေရသလဲဆိုတာကို သက်သေပြနေပါတယ်။ ပြည်သူတွေရဲ့ နေအိမ်တွေနဲ့ သမိုင်းဝင်စေတီပုထိုးတွေ အပျက်အစီးအတိုင်း ရှိနေချိန်မှာ၊ အာဏာသိမ်း စစ်ဗိုလ်ချုပ်တွေကတော့ သူတို့ရဲ့ အာဏာတည်မြဲရေးအတွက် အသုံးချမယ့် နေပြည်တော်က လွှတ်တော် အဆောက်အအုံကိုတော့ အရင်ဆုံး ပြုပြင်မွမ်းမံခဲ့တာပဲ ဖြစ်ပါတယ်။ ပြည်သူတွေ ရင်ဆိုင်နေရတဲ့ ငတ်မွတ်မှုနဲ့ အိုးမဲ့အိမ်မဲ့ဖြစ်မှုတွေကို မျက်ကွယ်ပြုပြီး၊ အတင်းအကြပ် ကျင်းပမယ့် ရွေးကောက်ပွဲကတဆင့် အာဏာကို တရားဝင်ဖြစ်အောင် ကြိုးပမ်းနေမှုတွေဟာ စစ်ခေါင်းဆောင် တွေရဲ့ စိတ်ထဲမှာ ပြည်သူ့ဘဝတွေထက် သူတို့ရဲ့ ရာဇပလ္လင်ကသာ ပိုပြီး အရေးကြီး နေတယ်ဆိုတာကို အထင်အရှား မြင်တွေ့နေရပါတယ်။ #မြန်မာ #ဧရာဝတီ #ငလျင် #ပြန်လည်ထူထောင်ရေး #အာဏာ #What'sHappensInMyanmar