Nega ramazonda ko‘pchilik ozish o‘rniga semiradi? / Ramazon madrasasi

Ramazon madrasasi Nega ramazonda ko‘pchilik ozish o‘rniga semiradi? Och qolishdan qo‘rqib saharlikda ko‘p ovqat yeyish va ko‘zi ochlik qilib iftorda ko‘p yeyish sabab, jasadga keraksiz "yuk" (vazn) ortadi. Bu yukni jasadga foydasi emas zarari bor. U faqat kishini harakatlanishini susaytiradi. Oshiqcha ichimlik ham chanqoqni kun bo‘yi daf qilmaydi. Balki kishini faqat bezovta qilib tez-tez hojatga yugurtiradi. Chunki, insonda tuya kabi o'rkach yo‘q-ki ozuqa va ichimlik zaxira qilsa.. Dars : Ramazondan boshqa vaqtda ham shundan ibrat olish lozim. Ertaga nima qilaman deb g'am qilish va erishganda ochko‘zlik hissi insonga zarur bo'lmagan "yuk" (qiyomatda javobgarlik) oshishiga sabab bo'ladi. Dunyoda ham oxirat sari harakatlanishini susaytiradi.. Va tez-tez hojatga (musibatga) yugurtiradi.. Shuning uchun kun bo‘yi ochlik, tashnalikdan emas, qiyomat kuni ochligi va tashnaligidan qo‘rqib "ochko‘z" bo‘lish kerak. Alloh taolo aytadi: "(Safarda) Zaxira olinglar, (bilinglarki) eng yaxshi zaxira taqvodir" (Baqara.197) Rasululloh sollallohu alayhi va sallam: "Odam bolasiga belini tutadigan ozgina luqmalar kifoyadir. Agar lobud bo'lsa uchdan biri taomiga, uchdan biri ichimligiga, uchdan biri nafas olishiga bo‘lsin" (Termiziy) Shunga o‘xshash ma'noni dunyodan kishining nasibasi haqida ham aytganlar : "Odam bolasi "molim, molim"deydi. molingdan senga yeb tugatganing, kiyib chiritganing, sadaqa qilib oxiratga o‘tkazganingdan boshqa narsa yo‘q" (Muslim) #ramazon #ozish #abdulloh_zufar #iftor #iftorlik