قًبل يده فكان جزاءه القتل | حقيقة قصة الطفل أمير التى ابكت القلوب

"أمير"... طفل من غزة طفل صغير... جسمه هزيل، هدومه مقطّعة، ورجليه حافية. بس كان عنده حلم بسيط جدًا… لقمة. لقمة ياكلها، كيس طحين، علبة عدس، أي حاجة تطفّي نار الجوع اللي واكلة بطنه بقالها أيام. سمع إن في مساعدات بتتوزع عند مخيم معين، مسك نفسه، وقال لأمه: "هروح أجيب أكل يا أمي، استني". وشد حيله… ومشي. مش 200 متر… ولا كيلو. مشي 12 كيلو في عز الشمس، وسط زحمة ناس كلها جعانة زيه. كان ماشي وعنيه شايلة أمل… أمل إنه يرجع بحاجة بسيطة يفرّح بيها أمه وأخواته. وفي الزحمة… قابل جندي أمريكي شغال في مؤسسة إغاثة اسمها "غزة الإنسانية". بكل براءة الطفل اللي اتربّى على الشكر حتى في وسط الجحيم… أمير قرّب من الراجل ومدّ إيده الهزيلة، وقال له بالإنجليزي: "Thank you, sir." وقبّل إيده! تخيل... طفل جائع، حافي، بيبوس إيد غريب عشان شوية فتافيت أكل! الراجل اتصدم… فضل يبص له وهو ماشي بعيد، بياكل من كيس صغير في إيده. بس اللي حصل بعد كده… كان أبشع من الخيال