Saksi sa gumuhong landfill lumutang; higit 50 katao natabunan

'SAKSI SA GUMUHONG LANDFILL LUMUTANG; HIGIT 50 KATAO NATABUNAN' EKSKLUSIBO: Sa isang panayam ng Abante Radyo, ikinuwento ng isang babaeng residente ng Rizal landfill na tumangging humarap sa camera na maraming residente ang natabunan matapos ang pagguho ng tambak ng basura sa lugar. Ayon sa kanya, tinatayang nasa 50 katao ang natabunan, kabilang ang kanyang mga kamag-anak. “Lagi-lagi ‘yang pagguho. Iyong pangalawang guho, may natabunan din niyan pero binalewala nila iyon. Ang ginawa nila, sinuruan nila ng basura, tinabunan lang nila iyong natabunan. Hindi nila sinabi na may namatay,” kwento niya. Dagdag pa niya, nakokonsensiya umano ang operator ng heavy equipment dahil maraming lumalapit sa kanya upang humingi ng tulong matapos ang insidente. Samantala, nitong Linggo, Pebrero 22, mariing pinabulaanan ng Rizal Provincial Sanitary Landfill ang ulat na may 50 kataong natabunan sa naturang pagguho ng basura. #AbanteNews