Gepatit bo‘lsangiz nima bo‘ladi? @migrantuzb

Bir necha oydan beri turli telegram kanallar va ommaviy axborot vositalarida 2026-yil 1-martdan boshlab migrantlar gepatitga ham tekshiriladi degan xabarlar tarqalmoqda. Ko‘plab murojaatlarni inobatga olib, biz bu masalaga oydinlik kiritishga qaror qildik. Gap shundaki, bu qonun loyihasi hali rasman qabul qilinmadi. Dastlab 1-martdan kuchga kirishi rejalashtirilgan edi, lekin hujjat to‘liq tasdiqlanmadi. Bunday vaziyatlarda qonun loyihalari yo umuman qabul qilinmay qolib ketadi, yoki qabul qilinishidan oldin unga jiddiy o‘zgartirishlar kiritiladi. Hozirgi maʼlumotlarga ko‘ra, ushbu qonun loyihasi 1-sentyabrdan kuchga kirishi kutilmoqda. Ammo yana takrorlaymiz: bu hali to‘liq qabul qilingan qaror emas, muhokamadagi loyiha. Balki qabul qilinmay ham qolishi mumkin. Agar qonun qabul qilinsa, nimalar o‘zgaradi? 1. Gepatit aniqlanganlarga quyidagi hujjatlar berilmaydi: * Patent (ishlash uchun ruxsatnoma) * RVP (Vaqtincha yashash uchun ruxsatnoma) * VNJ (Doimiy yashash uchun ruxsatnoma). 2. Kirishga taqiq (Zapret): * Gepatiti borligi aniqlangan fuqarolarga Rossiyaga kirish uchun taqiq qo‘yiladi. Bu "114 Federal qonunning 27 moddasi 1 bandi 7-qismi" (FZ-114 p.p 7 ch.1 st 27) asosida amalga oshiriladi. * Taqiq fuqaro tuzalib ketguniga qadar amal qiladi. To‘liq davolangandan keyin taqiqni bekor qilsa bo‘ladi. Xulosa: Bu qonun hali qabul qilingani yo‘q. Vaziyat o‘zgarishi mumkin. Leqin nima bo‘lganda ham, sog‘lig‘ingizga eʼtiborli bo‘ling. O‘zingizni ehtiyot qiling. Bizni kuzatishda davom eting. Yurist Naimjon Davlatov Telegram 👉 https://t.me/migrantuz (@migrantuz) TikTok 👉 https://www.tiktok.com/@migrantuzb Instagram 👉 https://www.instagram.com/migrantuzb (@migrantuzb) YouTube 👉 https://www.youtube.com/@migrantuzb Facebook 👉 https://fb.com/migrantuz ВКонтакте 👉 https://vk.com/migrantuz Rasmiy veb-sayt: https://www.migrant.uz #патент #регистрация #migrant #migrantuz