▪️Ang Pilipinas ngayon ay nasa ilalim ng de facto Martial Law - Leandro Leviste

Ang Pilipinas ngayon ay nasa ilalim ng de facto Martial Law - Leandro Leviste Courtesy: Facebook / Leandro Legarda Leviste ▪️https://www.facebook.com/share/17XnHxV4Kk/ ‎Ang Pilipinas ngayon ay nasa ilalim ng de facto Martial Law — hindi man deklarado, pero nararamdaman. Marami ay tahimik dahil sa takot na makasuhan, dahil nakikita na ang mga kritiko ng administrasyon ang mga unang sinasampahan ng kaso habang ang ibang mga kaalyado ay hinahayaan. ‎ ‎Dahil dito, ang ibang mga batas ay inaaprubahan nang walang debate, at may mga bilyun-bilyong pisong mga budget na hindi kinukwestiyon, kasama dito ang mga pambayad para sa ibang mga media at social media personalities, at mga troll farms na nagpapalaganap ng fake news at umaatake sa mga kritiko ng administrasyon. ‎ ‎Ganito din sa panahon ng Martial Law ni dating Presidente Ferdinand Marcos Sr. Ngunit maraming mga miyembro ng oposisyon, civil society, at pribadong sector ay lumaban sa diktadura. Kahit maraming ikinulong, umalis ng bansa, o ginipit ang negosyo, hindi sila sumuko. ‎ ‎Ako po ay naniniwala na ang mga nagsasalita ngayon ay magtatagumpay rin laban sa korapsyon katulad ng mga nauna sa atin, at ang mga nananatiling tahimik ay maaalala bilang mga kasabwat sa pinakamalaking korapsyon sa kasaysayan ng ating bansa. ‎ ‎Umaasa rin po ako na ang mga nagsasalita tungkol sa korapsyon sa gobyerno ay poprotektahan ng taumbayan, at gagamitin nila itong pagkakataon upang ibahagi ang katotohanan para sa kinabukasan ng ating bayan. 🇵🇭 ‎ ‎ #mginfodrive #phnews #philippines ‎