Dalawang F-35 Dumating Na! Monster Ship ng China na Patungo umano sa WPS Binalaan ng US Military

Inakusahan ng Estados Unidos ang China na nagsasagawa umano ng mga probokatibong aksyon laban sa mga karibal na claimants nito sa South China Sea at sinabi ng Washington na hindi magtatagal, ang agresibo at ireponsableng pag-uugali ng Beijing ay hahantong umano sa isang malaking insidente. Si Jung Pak, isang deputy assistance secretary para sa East Asia ng US State Department, ay nagsabi sa isang think tank na mayroong malinaw at tumataas na trend tungkol sa mga probokasyon ng China laban sa iba pang mga claimants sa South China Sea at iba pang mga estado na legal umanong nago-operate sa rehiyon. Sinabi niya sa Center for Strategic and International Studies na ang mga Chinese aircraft ay lalo umanong nagiging agresibo laban sa mga aircraft ng ibang bansa na lumilipad sa international airspace sa itaas ng South China Sea. Sa katunayan, nagkaroon din ng tatlong magkakahiwalay na insidente nitong mga nakaraang buwan nang hinamon ng China ang marine research at energy exploration activity sa loob ng exclusive economic zone ng Pilipinas.