Mga pampublikong gusali at paaralan sa Region 3, sinusuri kaugnay ng pahayag ni Brice Hernandez

Isinasailalim na ngayon sa isang malawakang “infrastructure audit” ng Office of Civil Defense (OCD) Region 3 at DILG ang lahat ng mga pampublikong gusali at paaralan sa Central Luzon. Ayon kay OCD-III Officer-in-Charge Shelby Ruiz, may mga binuo nang audit team ang ahensya upang siyasatin ang katatagan ng bawat istruktura gamit ang isang standard checklist. Tinutulungan din umano sila ng mga eksperto mula sa Philippine Institute of Civil Engineers at Association of Structural Engineers of the Philippines. Kaunay ito ng mga lumutang na pangamba ukol sa seguridad ng mga imprastraktura, partikular ang naunang pahayag ni dating DPWH Assistant District Engineer Brice Hernandez noong September 2025 na “substandard” umano ang mga proyekto at silid-aralan sa unang distrito ng Bulacan simula noong 2019. #CentralLuzonNews #CLTV36 #infrastructure