‘KUNG MAY WARRANT, ILABAS; KUNG WALA, TUMAHIMIK NA KAYO’

Binatikos ni Senadora Imee Marcos ang ilang opisyal ng administrasyon dahil sa umano’y magkakasalungat at nakalilitong pahayag kaugnay ng umano’y arrest warrant ng International Criminal Court (ICC) laban sa kaalyado niyang si Senador Bato Dela Rosa. Ayon sa presidential sister, na siya ring nanguna sa Senate probe hinggil sa isyu ng posibleng pag-aresto at pagsuko kay dating Pangulong Rodrigo Duterte sa ICC, dapat tiyakin ng pamahalaan na may wastong legal na kustodiya muna sa sinumang indibidwal bago ito isuko o i-extradite sa ibang bansa. Ibinunyag din ni Marcos na nakipag-ugnayan sa kanya si Nancy Dela Rosa, asawa ni Senador Bato, upang humingi ng tulong at masiguro na masusunod ang due process sakaling may hakbang mula sa mga awtoridad para arestuhin ang kanyang asawa. Muling hindi dumalo si Senador Dela Rosa sa sesyon ngayong araw, sa gitna ng mga usap-usapan tungkol sa umano’y warrant mula sa ICC. Don't Forget to Catch The Latest News Happening in the Philippines. Watch..Comment..React and Share! Subscribe to my Channel: https://www.youtube.com/channel/UCHrt6H8VcoOkLS7cO7Gc2lQ Like my Facebook Page: https://www.facebook.com/Filipinews-Today-456063798528849/?modal=admin_todo_tour #Featured #Trending #PinasNewsTV