{تعاشب شاي}(2382) الفوضى هي الخطة: لماذا دمرت أمريكا إيران بدون "خطة بديلة"؟

الواحد وهو بيفتح عينه في رمضان الصبح في العادي بيبقى أقصى طموحه إنه يسرق كام ساعة نوم زيادة قبل ما ينزل الشغل وهو مفرّهد وصداع القهوة بيفحت في دماغه؛ أو يقدر يفهم ليه باقة النت خلصت في تلات أيام.. بس السبت اللي فات..تمانية وعشرين المتمم لشهر فبراير ٢٠٢٦ كان له رأي تاني خالص في موضوع الطموحات الصيامية دي. العالم فجأة دخل بينا على ليفيل الوحش وإحنا لسه بنحاول نفتكر احنا كام رمضان النهاردة.. جروب الواتساب بتاع العيلة اللي كان يا دوب آخره صور "جمعة مباركة" وتجارب الطبيخ الفاشلة؛ فجأة اتحول لغرفة عمليات استراتيجية. خالك اللواء طيار متقاعد اللي بقاله عشر سنين مبيعملش حاجة غير إنه يشتكي من الرطوبة؛ لقى نفسه فجأة "رومل" العصر الحديث وقاعد يبعت رسايل صوتية مدتها تسع دقايق بيحلل فيها زوايا ميل الصواريخ وبيأكد للعيلة إن الضربة دي "تمثيلية" ومتفقين عليها عشان يرفعوا سعر الذهب... أما خالتك اللي عندها "فوبيا" المجاعات؛ فدي كانت في كوكب تاني خالص وبتبعت "لوكيشن" لكل فروع السوبر ماركت وبتقول للناس يلحقوا يخزنوا مكرونة وسمنة وشاي لأن "القيامة قامت" خلاص. يا اخي الواحد والله مابقاش فاهم الكوكب ده رايح بينا على فين، بجد والله. زمان، عشان تقوم حرب بين دولتين، كان الموضوع بياخد شهور من التحضير، مؤتمرات صحفية وخطابات في الأمم المتحدة وجلسات مغلقة في مجلس الأمن. دلوقتي؟ راجل قاعد في منتجع "مار-ا-لاغو"، ماسك تليفونه ومزاجه مش رايق، فقرر يقلب الطرابيزة على دماغ ٨٨ مليون بني آدم بتويتة الساعة اتنين بالليل. العالم كله كان نايم ومقتنع إن الأمور تحت السيطرة. قبل اللحظة دي مباشرة.. و على مدار يومين.. ٢٦ و٢٧ فبراير ، الدنيا كانت وردي في جنيف. المفاوضات شغالة، والوسطاء العمانيين، اللي هم أهدى ناس في الكوكب، طالعين يبتسموا للكاميرات وبيقولوا بالنص: "السلام خلاص في جيبنا.. مسافة السكة..". الأطراف كلها كانت بتجهز الورق عشان التوقيع، والكل حط في بطنه بطيخة صيفي واطمن. بس فجأة، الساعة ٢ بالليل يوم ٢٨ فبراير بتوقيت أمريكا.. ترامب بيكتب تويتة بيعلن فيها انطلاق عملية سماها "الغضب الملحمي". اسم تحسه طالع من فيلم لمارفل، مش قرار عسكري هيدمر قارة. وفي خلال ٤٨ ساعة بس، كان في ١٢٥٠ موقع إيراني بينضربوا بالصواريخ والطيارات. الضربة الأولى دي مكنتش مجرد قصف روتيني، دي كانت إبادة للقيادة. المرشد الأعلى خامنئي، الراجل اللي عنده ٨٦ سنة، اتقتل. وزير الدفاع، قادة الحرس الثوري، كلهم اتبخروا في لحظة. العبث هنا مش بس في حجم الضربة،إنما في العقلية اللي بتدير أمريكا نفسها. مفيش أي تفويض من الكونغرس، مفيش أي حملة إعلامية لتهيئة الشعب الأمريكي اللي صحي لقى نفسه في حالة حرب، ومفيش أي خطة واضحة. حتى في الخطاب السنوي بتاعه في الكونجرس، و اللي السنة دي كان أطول خطاب في تاريخ أمريكا..ترامب يادوب اتكلم عن الحرب دي ٣ دقايق بس..،ولا كأنه هايتسبب في حرب عالمية تالتة!.. و ياريتها حرب لها هدف واضح.. لأ.. دي حرب بالبركة كده.. ترامب لقى نفسه زهقان.. فحب يستعرض عضلاته و خلاص.. من غير مايفكر في إجابة سؤال بسيط.. "طب و بعدين؟".. غياب الخطة ده مكنش صدفة، ده كان بداية لمسرحية طويلة من الاستعباط الدولي. مسرحية بتبدأ بأسمج جملة في تاريخ الدبلوماسية. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: 1. US-Israel Attacks Iran LIVE Updates:PM Modi Expresses 'Deep Concern' Over Middle East Crisis, Calls for Dialogue - NDTV, https://tinyurl.com/2bxatts8 2. 2026 Iran–United States crisis - Wikipedia, https://tinyurl.com/24kj5n39 3. Operations Epic Fury and Roaring Lion: 3/2/26 Update - JINSA, https://tinyurl.com/29ba27vd 4. The Regional Reverberations of the U.S. and Israeli Strikes on Iran, https://tinyurl.com/2d4abl3l 5. Iran forms interim Leadership Council with Arafi's appointment after Khamenei's killing - TRT, https://tinyurl.com/23ls9ohd 6. Operation Epic Fury and the Remnants of Iran's Nuclear Program, https://tinyurl.com/25d9wokc 7. Iran war threatens fragile Egyptian economy, again | MadaMasr, https://tinyurl.com/24q8kfjn 8. Hopes for Suez Canal Revival Dashed, https://tinyurl.com/2aqahhcn 9. Defense Agency Contributed Toward Operation Midnight Hammer Success - https://tinyurl.com/255jbe8l, https://tinyurl.com/25qnf6ss 10. United States strikes on Iranian nuclear sites - Wikipedia, https://tinyurl.com/29kbyjte 11. Jul-25-Doctrine Paragon-Operation Midnight Hammer.pdf, https://tinyurl.com/23uvuakn 12. What Operation Midnight Hammer Means for the Future of Iran's Nuclear Ambitions - CSIS, https://tinyurl.com/yld9lr6n 13. Twelve Days Under Fire: A Comprehensive Report on the Iran-Israel War - Hrana, https://tinyurl.com/2yewa3nw 14. https://tinyurl.com/2ch7hvt2 15. Signal - Mini-Chronicles (11): Iran, Trump, and China - The Red Team Analysis Society, https://tinyurl.com/23j9dl2g 16. Internet censorship in Iran - Wikipedia, https://tinyurl.com/c9jzvvu 17. Iran vows mass retaliation to attack, taunts Europe over US Greenland push, https://tinyurl.com/27goqzqu 18. U.S. Forces Launch Operation Epic Fury - centcom, https://tinyurl.com/25or7hu5 19. Read Trump's full statement on Iran attacks, https://tinyurl.com/2dmfwoer