Khit Thit Evening News | May 13 , 2026

Khit Thit သတင်းဌာန၏ မေ ၁၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၃ ရက် ညနေပိုင်း တင်ဆက်ပေးမယ့် သတင်းတွေကတော့ - NLD အစိုးရလက်ထက်က အမေရိကန်ဘဏ် အပ်နှံထားတဲ့ မြန်မာနိုင်ငံပိုင် ရန်ပုံငွေ ဒေါ်လာ ၁ ဘီလီယံကို တော်လှန်ရေးအင်အားစုတွေဆီ လွှဲပြောင်းပေးဖို့ အမေရိကန်အစိုးရဆီ တင်ပြထားမှုကို သေချာစွာ ပြန်လည်သုံးသပ်တော့မယ့်အကြောင်း အမေရိကန် လက်ထောက်နိုင်ငံခြားရေးဝန်ကြီး က မေလ ၆ ရက်နေ့ကပဲ အကြောင်းပြန်ခဲ့တယ်လို့ သိရပါတယ်။ - မြန်မာနိုင်ငံမှာ အကြမ်းဖက်မှုတွေ ရပ်တန့်ဖို့ စိတ်ဆန္ဒမရှိတဲ့ မင်းအောင်လှိုင်ခေါင်းဆောင်ရာ မြန်မာစစ်အုပ်စုကို အာဆီယံအနေနဲ့ ငြိမ်းချမ်းရေးအတွက် အားကိုးမနေဘဲ မြန်မာ့ဒီမိုကရေစီအင်အားစု တွေ ကိုသာ မိတ်ဖက်အဖြစ် အသိအမှတ်ပြုဖို့ အာဆီယံအမတ်များအဖွဲ့-APHR က ကြေညာတိုက် တွန်းလိုက်ပါတယ်။ - နေပြည်တော်၊ တပ်ကုန်းမြို့နယ်မှာ အကြမ်းဖက် စစ်တပ်ရဲ့ MRTV သတင်းတင်ဆက်သူ ဆွေဆွေခိုင် ရဲ့ မောင်ဖြစ်သူ နေမျိုးလင်း အပါအဝင် ရွာသားလူငယ်တွေကို စစ်တပ်က နေ့အချိန်ကြီးမှာပဲ ပေါ်တာဆွဲဖမ်းဆီးသွားတယ်လို့ ဖမ်းဆီးခံရသူတွေရဲ့ ဆွေးမျိုးတွေက ရန်ကုန်ခေတ်သစ်ကို ဆက်သွယ်ပြောဆိုလာပါတယ်။ - ရုရှားသမ္မတ ပူတင်က ကမ္ဘာ့အင်အားအပြင်းဆုံး နျူကလီးယားထိပ်ဖူးတပ် "Sarmat" တိုက်ချင်းပစ် ဒုံးကျည်သစ်ကို အောင်မြင်စွာ စမ်းသပ်ပစ်လွှတ်နိုင်ပြီလို့ ကြေညာလိုက်ပြီး အခုနှစ်ကုန်မှာ စတင်အသုံးပြုမယ်ဆိုပြီးတော့ပါ ပြောဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။