मुंढेंच्या आधी धडक कारवाया... लिंक👇कमेंटमध्ये...​​ ​

मुंबई : सध्या राज्यभर तुकाराम मुंढे नावाचं वादळ घोंघावत आहे. त्यांनी अन्न व औषध प्रशासनाचा कारभार हातात घेतल्यापासून सर्वांचे लक्ष वेधले आहे. सनदी अधिकारी तुकाराम मुंढेंनी यापूर्वीही जिथे काम केलं तिथं त्यांनी त्यांच्या कामाचा धडाका दाखवून दिला आहे. काल त्यांनी पत्रकार परिषद घेत गेल्य काही दिवसांत झालेल्या कारवायांचा लेखाजोखा पत्रकारांच्या माध्यामातून सर्व जनतेसमोर मांडला. त्याचवेळी यापुढे गुटखा, तंबाखूजन्य पदार्थांच्या संदर्भात कठोर कारवाई करणार असल्याचं सांगितलं, विक्रेते, पुरवठादार व संचय करणाऱ्यांसह ग्राहकांवरही मकोका अंतर्गत कारवाई केली जाईल अशा स्वरुपाचा मोठा निर्णय काल जाहीर केला. तसा आदेशच त्यांनी काढला आहे. त्यामुळे आता महाराष्ट्रात छुप्या पद्धतीने गुटखा विक्री करणाऱ्यांचे धाबे दणाणले आहेत. जनतेच्या आरोग्याशी घातक असे कोणतेही काळे धंदे करणारे लोक आता कायद्याच्या कचाट्यात सापडले की गय केली जाणार नाही, असे त्यांनी नमूद केले आहे.