Khit Thit Afternoon News | May 16 , 2026

Khit Thit သတင်းဌာန၏ မေ ၁၆ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ - မြန်မာနိုင်ငံမှာ စီးပွားရေးကျဆင်းမှုနဲ့ ကုန်ဈေးနှုန်း ကြီးမြင့်မှုတွေ ကြုံတွေ့နေရချိန် ရန်ကုန်မှာ နောင် အနာဂတ် အတွက်ဆိုပြီး မြေအောက်ရထားလမ်းတွေ တည်ဆောက်အသုံးပြုဖို့နဲ့ မန္တလေးတိုင်းမှာ အမေရိကန်ပြည်ထောင်စုလို စိုက်ပျိုးရေးထုတ်ကုန်တွေကို အများအပြား ထုတ်လုပ်တင်ပို့ကြဖို့ အာဏာသိမ်းစစ်ခေါင်းဆောင် မင်းအောင်လှိုင်က စိတ်ကူးယဉ် ဆန်ဆန် ထုတ်ဖော်ပြောဆိုလာပြန်ပါတယ်။ -မြန်မာစစ်တပ်နဲ့ ဆက်နွယ်တဲ့ လက်နက်ပွဲစား ကျော်မင်းဦးက နိုင်ငံတကာပိတ်ဆို့မှုတွေကို ရှောင်ဖို့ နာမည်ခံပိုင်ရှင်တွေ သုံးပြီး ထိုင်းစတော့ အိတ်ချိန်းဝင် ကုမ္ပဏီတစ်ခုမှာ ရှယ်ယာကြီးကြီးမားမား ဝယ်ဖို့ ကြိုးစားနေတယ်လို့ Justice For Myanmar က စုံစမ်းဖော်ထုတ်ထားပါတယ်။ -၂၀၂၁ ခုနှစ် ဖေဖော်ဝါရီလ စစ်အာဏာသိမ်းချိန်ကစပြီး ဒီနေ့အထိ ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ် (ဗကသ) ရဲ့ ရဲဘော် ၅၇ ယောက်ဟာ မတရားဖမ်းဆီးတာကို ခံခဲ့ရတယ်လို့ ဗကသများ အဖွဲ့ချုပ်ကနေ အတည်ပြု ထုတ်ပြန်ထားပါတယ်။ - အမေရိကန်သမ္မတ ဒေါ်နယ်ထရန့်က မေလ ၁၅ ရက်နေ့က တရုတ်သမ္မတ ရှီကျင့်ဖျင်နဲ့ အလွန်ထိလွယ် ရှလွယ်ဖြစ်တဲ့ ထိုင်ဝမ်အရေးကိစ္စကို ဆွေးနွေးခဲ့ကြပေမဲ့ ဘာကတိကဝတ်မှ မပေးခဲ့ဘူးလို့ ပြောလိုက် တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။