Pinsala sa agrikultura sa Cagayan Valley dahil sa El Niño, umabot na sa P5.712 bilyon

#UsapangAgrikultura | Sumampa na sa higit P5.712 bilyon ang naitalang pinsala ng El Niño sa sektor ng agrikultura sa Cagayan Valley. Ayon kay Department of Agriculture Region II Technical Director for Research and Regulations at Disaster Risk Reduction Management Unit Action Officer Kay Olivas, pinakanapuruhan ang mais na umabot sa higit P4.316 bilyon ang halaga ng nasirang taniman dulot nang matinding tagtuyot na sinundan ng bigas, P1.381 bilyon at high value crops na P15.062 milyon. Dagdag pa ng opisyal na pumalo sa 99,879 ang bilang ng mga magsasaka ang apektado ng El Niño na pinakamarami ay nagmula sa Cagayan na sinundan ng Isabela, Nueva Vizcaya at Quirino. Binigyan-diin pa ng ahensya na namamahagi na sila ng libreng seedlings para sa mga apektadong magsasaka. Namahagi na ng tulong-pinansyal ang Department of Social Welfare and Development - Region II sa mga magsasaka na umabot ng P10,125 habang higit P2,000 mula sa DA Cagayan Valley. | via Christopher Tirambulo #RadyoPilipinas #RadyoPubliko #IntegratedStateMedia #ISM