{تعاشب شاي}(2397) حصار.. ماحاصرش حاجة..

في أكتوبر 1962، المخابرات الأمريكية اكتشفت إن الاتحاد السوفيتي بينصب منصات صواريخ نووية في كوبا. الرئيس جون كينيدي لقى نفسه قدام ورطة حقيقية، لازم يوقف السفن السوفيتية اللي رايحة للجزيرة دي بأي تمن، بس في نفس الوقت مش عايز يبدأ حرب عالمية تالتة تخلص على الكوكب في أسبوع. الراجل قعد مع المستشارين بتوعه ساعات طويلة جدا.. بيتناقشوا في حاجة واحدة بس.. يسموا اللي ناويين يعملوه ده ايه بالظبط؟ محتارين في كلمة! لو كينيدي طلع في التلفزيون وقال إحنا هنعمل حصار، فده في قاموس القانون الدولي معناه إعلان حرب رسمي. فقام مختار إسم تاني خالص، قالك احنا هانعمل “ حجر صحي”. لأن كنيدي كان فاهم كويس ان القائد الذكي.. مش هدفه الدوشة و المنظرة و اللقطة.. هدفه انه يحقق النتيجة اللي عاوزها على الأرض.. حتى لو ماحدش عرف خالص.. فاستخدم أقل وصف ممكن.. عشان يداري وراه أضخم تحرك عسكري.. بعد اللقطة دي بـ 64 سنة، ترامب وقف في نفس الموقف.. قام عامل العكس تماما.. أعلن فرض حصار على إيران.. بأعنف لغة ممكنة.. قالك البحرية هتعترض أي سفينة تقرب من المنطقة.. و هانضرب أي حد داخل أو خارج.. تصريحات تحسسك ان القيامة هاتقوم بكرة خلاص.. لكن تروح تشوف ايه اللي بيحصل فعليا على الأرض.. تلاقي ان الأوامر الفعلية اللي راحت للقوات عند المضيق.. مالهاش أي علاقة بالكلام ده.. السفن التجارية العادية بتعدي عادي جدا. الشحنات الإنسانية بتعدي برضه من غير مشكلة. أي سفينة مش رافعة علم إيران أو مش بتتعامل بشكل مباشر مع المواني الإيرانية ، بتكمل طريقها كأن مفيش أي حاجة بتحصل. معلهش يعني.. هو ده كده حصار من أنهو ناحية بالظبط؟ ما هي دي نفس العقوبات الاقتصادية اللي كانت على ايران قبل كده عادي! لكن هو ده ترامب.. راجل منفوخ.. و كلامه منفوخ ع الفاضي زيه.. و مصر ينفخنا كلنا معاه.. طب ليه برضه عمل كده؟.. ما يحاصر إيران و خلاص بالمرة مادام هناك!.. ايه جو شوق ولا تدوق ده؟! الإجابة ببساطة.. انه أصلا ما يقدرش يعمل ده.. ليه يعني؟ للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com