Ընտրությունները բացարձակ լեգիտիմ չէին. հարցում

Ազգային ժողովի ընտրությունների լեգիտիմության հարցը շարունակում է ակտիվ քննարկվել քաղաքական և հանրային շրջանակներում։ Ընտրությունների արդյունքների հրապարակումից հետո մի շարք քաղաքական ուժեր և գործիչներ կասկածի տակ են դրել գործընթացի արդարությունն ու թափանցիկությունը, մինչդեռ իշխանությունները պնդում են, որ ընտրություններն անցել են օրենքի շրջանակներում։ Oragir.News-ը Երևանի մի շարք փողոցներում հարցում է անցկացրել՝ պարզելու, թե քաղաքացիներն ինչպե՞ս են գնահատում ընտրությունների լեգիտիմությունը և արդյոք վստահո՞ւմ են հրապարակված արդյունքներին։ Հարցման մասնակիցների մի մասը համոզված էր, որ ընտրությունները չեն կարող լեգիտիմ համարվել։ «Բացարձակ լեգիտիմ չէին ինձ համար, որովհետև եթե մարդը դեռ արդյունքները չամփոփված հայտարարում է, որ հաղթել է, դա ինձ համար անընդունելի է»,- ասաց քաղաքացիներից մեկը։ Մեկ այլ քաղաքացի ևս կարծիք հայտնեց, որ ընտրություններն անցկացվել են խախտումներով։ «Լեգիտիմ չէ, լրիվ խախտված է։ Անցյալում ինչպե՞ս էր։ Հիմա ավելի վատ է»,- նշեց նա։ Միաժամանակ եղան քաղաքացիներ, որոնք ընտրությունների արդյունքները լեգիտիմ համարեցին։ «Եթե ժողովուրդը ձայն է տվել, քվեարկել է, Կենտրոնական ընտրական հանձնաժողովն ընդունել է արդյունքները, աշխարհն էլ ընդունել է, ինչի՞ մասին է խոսքը»,- ասաց հարցման մասնակիցներից մեկը։ Մի քանիսը խոստովանեցին, որ քաղաքական գործընթացներին խորությամբ չեն հետևում և դժվարանում են գնահատական տալ։ «Չեմ կարող ասել, որովհետև ոչ մեկի նկատմամբ հավատ չունեմ»,– նշեց քաղաքացիներից մեկը։ Մեկ այլ մասնակից էլ ասաց. «Ես քաղաքականությունից հեռու եմ, թող որոշեն նրանք, ովքեր հասկանում են այդ հարցերից»։ Մանրամասները՝ https://oragir.news/hy/material/2026/06/16/199170 Oragir.News-ին կարող եք հետևել նաև. Telegram - https://t.me/oragir_news Facebook - https://www.facebook.com/oragir1 Facebook - https://www.facebook.com/Oragir.am Instagram - https://www.instagram.com/oragir.news Tiktok - https://www.tiktok.com/@oragir.news