Epaiketa | Guardetxearen aurkako epaiketa hasi da

Irutxulo.hitza.eus | Aurreikusita zegoen moduan, gaur (hilak 27) hasi da Urgulleko Guardetxearen aurkako epaiketa, Donostiako epaitegian. Epaiketaren lehenengo saioa da, eta baliteke gaurko saioaren ostean auzia artxibatzea edo, aldiz, epaiketak aurrera jarraitzea eta Parte Zaharreko gaztetxearen kaleratzea agintzea, baita hainbat kideren aurkako zigorrak ezartzea ere. Epaiketa hasi aurretik, Guardetxeko hainbat kide epaitegira bertaratu dira "auzipetuei babesa adieraztera", baita gaur bertan Durangon epaituko dituzten Kiñu Gaztetxeko kideei babesa adieraztera ere. "Gure epaiketari dagokionez, Donostiako Udalak ez du akordiorik sinatu nahi izan eta, beraz, defentsa juridikoa prestatu behar izan dugu; ikusi beharko dugu epaileak zer erabakitzen duen", azaldu du Guardetxeko kide Josu Egurza Nazabalek. Informazio guztia: https://irutxulokohitza.eus/opuz0ktq Webgunea: https://irutxulo.hitza.eus/ Instagram: https://www.instagram.com/irutxulokohitza/ Tiktok: https://www.tiktok.com/@irutxuloko.hitza/