Khit Thit Evening News | May 9 , 2026

Khit Thit သတင်းဌာန၏ မေ ၉ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၉ ရက် ညနေပိုင်း တင်ဆက်ပေးမယ့် သတင်းတွေကတော့ - မြန်မာ့အရေးမှာ အာဆီယံအတွက် ဖြေရှင်းနည်း မရှိသေးပဲ ခက်ခဲတဲ့ ပြဿနာတစ်ရပ်ဖြစ်နေတယ်လို့ အာဆီယံဥက္ကဋ္ဌ ဖိလစ်ပိုင်သမ္မတက ဝန်ခံပြောဆိုလိုက်ပါတယ်။ - အကြမ်းဖက် စစ်တပ်က သူတို့ရဲ့ စစ်မှုထမ်း အပတ်စဉ် ၁ ပွဲက ပြန်လာတဲ့ တပ်သားသစ်တွေကို ကြိုဆိုပွဲ အတုနဲ့ ဝါဒဖြန့်မှုတွေ ဆက်တိုက်လုပ်လာပြီး ၊ လက်ရှိ တပ်သားသစ် စုဆောင်းဖို့ ရှားပါးလာ တဲ့အတွက် စစ်မှုထမ်းပြီးဆုံးတဲ့ လူငယ်တွေကို အလုပ်အကိုင်ပေးမယ်ဆိုတာတွေနဲ့ပါ လိမ်လည်စည်း ရုံးပြီး နောက်ထပ် စစ်မှုထမ်း လူသစ် ရဖို့ လုပ်ဆောင်လာနေတယ်လို့ စစ်တပ်အသိုင်းအဝိုင်းက ရန်ကုန်ခေတ်သစ်ကို ပြောပါတယ်။ - မင်းကင်းမြို့နယ်နဲ့ ရေးမြို့နယ်တွေမှာ အကြမ်းဖက် စစ်တပ် ကင်းစခန်းနဲ့ စစ်ကြောင်းကို တော်လှန်ရေးတပ်တွေက တိုက်ခိုက်မှုတွေအတွင်း စစ်တပ်ဘက်က တပ်သား ၄ ဦးကတော့ အသီးသီး သေကုန်ကြသလို ၊ တော်လှန်ရေးရဲဘော် ၁ ဦးလည်း ကျဆုံးခဲ့တယ်လို့ သက်ဆိုင်ရာ တော်လှန်ရေးတပ်တွေက ရန်ကုန်ခေတ်သစ်ကို ပြောပါတယ်။ - အမေရိကန်သမ္မတ ထရမ့်ရဲ့ ညွှန်ကြားချက်အရ ဂြိုဟ်သားတွေနဲ့ အမည်မသိပျံသန်းဝတ္ထု (UFO) ဆိုင်ရာ အစိုးရမှတ်တမ်း အချက်အလက်တွေ ထုတ်ပြန်လိုက်ပြီး ၊ ဂြိုလ်သားတွေ တကယ်ရှိ၊ မရှိ ပြည်သူတွေ ကိုယ်တိုင် ဆုံးဖြတ်ပါလို့ ဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။