Bu Universitetda Hatto Zavod Ham Bor!

Хоразм дунёга кўплаб буюк шахсларни тақдим этган замин ҳисобланади. Ал-Хоразмий, Беруний, Жалолиддин Мангуберди — тарих саҳифаларида абадий қолган номлар. Аммо менинг фикримча, ўз даврининг келажагини яратаётган инсонлар фақат ўтмишда эмас. Улар бугун ҳам орамизда яшаб, ўз фаолияти орқали минглаб инсонлар ҳаётига таъсир кўрсатмоқда. Шундай инсонлардан бири деб мен Журъатбек Атаваевич Атажоновни ҳисоблайман. Бугунги кунда 11 500 нафардан ортиқ талаба унга ўз таълимини ишониб топширган, 600 дан зиёд ота-она фарзандларининг келажагини ишонган, қарийб 1 000 нафар ходим эса у билан бирга минтақадаги энг йирик таълим лойиҳаларидан бирини ривожлантириш устида меҳнат қилмоқда. Учрашувимиз давомида фақат университет ҳақида эмас, балки Хоразм келажаги, таълимнинг жамият тараққиётидаги ўрни ва ёшлар учун қандай имкониятлар яратиш кераклиги ҳақида ҳам суҳбатлашдик. Айниқса, бугунги кунда RANCH фақат университет эмаслиги катта таассурот қолдирди. Унинг атрофида бутун бир таълим ва инновация экотизими шаклланмоқда. Айни пайтда RANCH School муваффақиятли фаолият юритмоқда, замонавий клиника ва хусусий технопарк қурилмоқда. Шу билан бирга, Нукус шаҳрида янги RANCH кампуси барпо этилмоқда ва унда таълим жараёни жорий йилнинг ўзида йўлга қўйилади. Бу лойиҳалар ортида шунчаки бинолар ёки замонавий технологиялар эмас, балки билим олиш, ўз устида ишлаш ва келажагини қуриш имкониятига эга бўлаётган минглаб ёшлар турибди. Бугун бу ерда шифокорлар, муҳандислар, педагоглар, молиячилар, IT мутахассислари, магистрлар ва келажак олимлари тайёрланмоқда. Aйнан шундай ташаббуслар нафақат Хоразм, балки бутун Ўзбекистон тараққиёти учун мустаҳкам пойдевор бўлиб хизмат қилади. Мана шундай гаплар...