{تعاشب شاي}(2383) أب و لكن : مين المستفيد من إهانة الأب في محاكم الأسرة؟

السنة دي المسلسلات في رمضان كان فيها جرعة نكد و كآبة.. ماحصلتش في تاريخ الدراما المصرية!!.. عدى نص رمضان.. و لقينا المسلسلات ١٥ حلقة بس و خلصت.. قلنا يا ما انت كريم يا رب.. الف حمد و شكر!..الا و نلاقيلك مسلسل 'أب ولكن' داخل علينا دخلة إنك ميت و إنهم ميتون!المسلسل احتاج بحث ٣ سنين في ملفات محاكم الأسرة .. من كم المآسي اللي فيها..و النتيجة .. خمستاشر حلقة ، عبارة عن كاميرا وثائقية بتفضح النظام؛ بتوريك الأب وهو بيتحول لسوبر ماريو بينط فوق القضايا عشان يلمح طرف ابنه أو بنته ، والطفل اللي بيطلع معقد نفسيا لأن القانون العبقري بتاعنا قرر يزرع في دماغه شريحة كراهية لأبوه، كأننا في حلقة من بلاك ميرور بس في مصر. المسلسل بيعرضلنا قصة "أدهم" اللي بيقوم بدوره محمد فراج . أدهم مهندس ناجح، راجل محترم، عنده حس فني، بيلعب مزيكا وبيرسم، يعني مش البلطجي ولا المدمن ولا الأب المستهتر اللي اتعودنا نشوفه في الدراما عشان يبرروا حرمانه من أولاده. نموذج بيمثل شريحة مهولة من الرجالة في مصر،اللي ماشيين جنب الحيط، اللي بيدفعوا ضرايب ونفقة ومصاريف مدارس ناشونال و انترناشونال، وفي المقابل .. المنظومة بتكافئه بإيه؟ بتديله تلات ساعات في الأسبوع يشوف فيهم بنته. تلات ساعات يتامى في الأسبوع يا مؤمن! عارف دول يطلعوا قد ايه في السنة؟ ٦ ايام و نص!!.. يعني أقل من أسبوع.. في السنة!! المنظومة العبقرية بتاعتنا متخيلة إنك كأب، مطلوب منك تبني علاقة نفسية طبيعية، وتربي، وتوجه، وتصاحب كائن بشري هرموناته بتتغير أسرع من أسعار الدولار، في ٦ ايام في السنة؟. أنت متخيل العبث؟ يا راجل ده انت لو جايب سلحفاة تربيها في البلكونة مش هتلحق حتى تخليها تاخد عليك في الوقت ده. الراجل في مصر بيبدأ حياته مديون عشان يجهز شقة، وبينتهي بيه المطاف مديون برضه بس عشان يدفع نفقة ومصاريف محامين في قضايا بتمنعه يشوف عياله. الأسرة المصرية اتحولت لشركة مساهمة، بمجرد ما بتعلن إفلاسها، الأب بيتجرد من كل صلاحياته وبيبقى مجرد محفظة بتدفع من على الباب. عبث ممنهج ومتقن، شغال بقاله سنين، والناس بتطحن جواه وهي ساكتة. إزاي الأب اللي بيدفع دم قلبه نفقات ومصاريف مدارس، السيستم بيكافئه بتلات ساعات يتامى في الأسبوع عشان يربي فيهم عياله؟ مين المستفيد من إن ملايين الآباء يفضلوا يلفوا في ساقية المحاكم، وتطلع عينهم في طوابير مكاتب تسوية المنازعات؟ وهل الفقه الحنفي فعلاً هو اللي حط الأب في المركز الستاشر في ترتيب الحضانة، ولا دي اشتغالة اتفصلت في غرف مقفولة؟ وليه مسلسلات رمضان دايماً بتفرش الأرض للقوانين اللي بتكمل على الباقي من الأسرة المصرية؟ أسئلة كتير إجاباتها بتكشف إزاي إحنا عايشين جوه مفرمة بيروقراطية متصممة بشيطانية عشان تحول الراجل لمجرد مكنة ATM بشنب. النهارده هنمسك المفرمة دي ونفككها حتة حتة، ونفهم إحنا لبسنا في الحيطة دي إزاي. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com