Zbulohet gjinia e foshnjës, Dafina Zeqiri surprizon fansat me postimin emocionues!

Këngëtarja e njohur Dafina Zeqiri ka ndarë me ndjekësit një nga momentet më të bukura të jetës së saj, duke zbuluar gjininë e foshnjës që po pret. Përmes disa postimeve emocionuese në rrjetet sociale, artistja konfirmoi se ajo dhe partneri i saj, Kreshnik Gjergji, do të bëhen sërish prindër të një djali. Në fotografitë e publikuara, djali i tyre i parë shfaqet pranë një tullumbaceje të kaltër me mbishkrimin “It’s a Boy”, duke zbuluar kështu gjininë e anëtarit më të ri të familjes. Ky lajm i bukur vjen vetëm pak javë pasi Dafina Zeqiri njoftoi gjatë një koncerti në Tiranë se është në pritje të ëmbël për herë të dytë. Gëzimi në familjen e çiftit është i madh, pasi nuk ka kaluar ende një vit që kur ata mirëpritën djalin e tyre të parë, Daskanin. Tashmë, vogëlushi po përgatitet për një rol të ri, atë të vëllait të madh.