திருப்பத்தூர் - தவெக வேட்பாளருக்கு, சிறுவர் சிறுமியர் பெற்றோருடன் வந்து விசில் அடித்து உற்சாகம்!

திருப்பத்தூர் சட்டமன்ற தொகுதியில் போட்டியிடும் தவெக வேட்பாளருக்கு பெற்றோருடன் வந்து விசில் அடித்து உற்சாகம் செய்த சிறுவர் சிறுமியர். சொந்த இடத்தில் திறமை சார்ந்த தேர்வு கூடம் மற்றும் காவலர் பயிற்சி கூடம் அமைத்து வருடத்திற்கு 1000 பேர் பயனடைய பாடுபடுவேன் என வேட்பாளர் உறுதி திருப்பத்தூர் மாவட்டம் திருப்பத்தூர் சட்டமன்ற தொகுதிக்கு தமிழக வெற்றி கழகம் சார்பாக கால்நடை மருத்துவர் திருப்பதி வேட்பாளராக அறிவிக்கப்பட்ட பின்பு தொடர்ந்து திருப்பத்தூர் சட்டமன்றத் தொகுதியில் பல்வேறு இடங்களில் பரப்புரை செய்து வாக்கு சேகரித்து வருகிறார். இந்நிலையில் நகராட்சிக்கு உட்பட்ட பதினைந்தாவது வார்டு பகுதியில் பரப்புரை செய்து வாக்கு சேகரிக்க வந்த தமிழக வெற்றி கழக வேட்பாளர் திருப்பதியை பெற்றோர்களுடன் வந்து சிறுவர் சிறுமியர் விசில் அடித்து உற்சாக வரவேற்பு கொடுத்தனர். இதனைத் தொடர்ந்து அந்தப் பகுதி மக்களுக்கு வாக்குறுதி கொடுத்த வேட்பாளர் ஒரு நாளைக்கு 15 மணி நேரம் அரசியலுக்காக உழைக்கிறேன் இதே பதினைந்து மணி நேரம் தொடர்ந்து உழைத்தால் மக்களுடைய அனைத்து அடிப்படை தேவைகளையும் பூர்த்தி செய்ய முடியும் என்று நம்புகிறேன் அதையும் செய்வேன் மேலும் என்னுடைய சொந்த இடத்தில் திறமை சார்ந்த வகுப்பு பயிற்சிக்கூடம் மற்றும் காவலர்களுக்கான உடற்பயிற்சி கூடம் அமைத்து ஒரு வருடத்திற்கு ஆயிரம் பேர் பயனடையும் வகையில் இரண்டு மூன்று மாதத்திற்குள் ஏற்பாடு செய்வேன் என்று உறுதி அளித்த சம்பவம் அந்த பகுதி மக்களிடையே பெரும் வரவேற்பை பெற்றது.