മരണശേഷം എന്ത്? ഈ ചോദ്യത്തിനുള്ള ഉത്തരം തേടി...| Wisdom Dialogue 12.0 Pre-Event Reel

"മരണത്തോടെ ജീവിതം അവസാനിക്കുമെങ്കിൽ നാം എന്തിന് ഇവിടെ വന്നു?" എന്ന ഗൗരവമേറിയ ചോദ്യം ഉയർത്തിക്കൊണ്ട് വിസ്ഡം യൂത്ത് സംഘടിപ്പിക്കുന്ന ഡയലോഗ് 12.0 ഇന്ന് ഈരാറ്റുപേട്ടയിൽ നടക്കുകയാണ്. കേരളത്തിന്റെ ബൗദ്ധിക മണ്ഡലത്തിൽ വിസ്ഡം ഡയലോഗുകൾ ഇതിനോടകം വലിയ സ്വാധീനം ചെലുത്തിയിട്ടുണ്ട്. ആശയക്കുഴപ്പങ്ങളുടെ ആഴിയിൽ മുങ്ങിത്തപ്പുന്ന പൊതുസമൂഹത്തിനും മുസ് ലിം ഉമ്മത്തിനും എന്നും കൃത്യമായ ദിശാബോധം നൽകാൻ ഈ പ്രോഗ്രാമുകൾക്ക് സാധിച്ചിട്ടുണ്ട്. വെല്ലുവിളികൾ ഏത് വേഷത്തിൽ വന്നാലും ഇസ് ലാം അതിന്റെ ആദർശ കരുത്താൽ അവയെയെല്ലാം അതിജീവിക്കുമെന്ന് ഡയലോഗ് വീണ്ടും തെളിയിക്കുന്നു. ഈ പരിപാടിയുടെ മുന്നൊരുക്കങ്ങളുടെ ഭാഗമായി ഈരാറ്റുപേട്ടയിൽ നടന്ന ടേബിൾ ടോക്കിൽ പങ്കെടുക്കാൻ എനിക്ക് സാധിച്ചിരുന്നു. പ്രാദേശിക മത-രാഷ്ട്രീയ രംഗത്തെ പ്രമുഖർ ഈ പ്രോഗ്രാമിന്റെ പ്രസക്തിയെക്കുറിച്ച് അന്ന് സംസാരിച്ചത് ഏറെ ഹൃദ്യമായിരുന്നു. ഈരാറ്റുപേട്ട ആവേശത്തോടെ ഈ ദിനത്തെ സ്വീകരിക്കാൻ നേരത്തെ ഒരുങ്ങിക്കഴിഞ്ഞിട്ടുണ്ട്. നിങ്ങളുടെ കുടുംബജീവിതത്തിൽ വലിയൊരു മാറ്റത്തിന് ഈ ദിനം തുടക്കമിടുമെന്ന കാര്യത്തിൽ സംശയമില്ല. പ്രോഗ്രാം വിവരങ്ങൾ: 👇 സമയം: (മെയ് 14, വ്യാഴം) വൈകുന്നേരം 4:30 സ്ഥലം: ബറകാത്ത് സ്ക്വയർ, ഈരാറ്റുപേട്ട.