စစ်ခေါင်းဆောင် ဘာကြောင့် တပ်ကိုယ်စားလှယ် အနေနဲ့ အရွေးမခံလဲ (ရုပ်/သံ)

အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ဟာ သူကိုယ်တိုင် စိတ်ကြိုက် ပုံဖော်ထားတဲ့ အစိုးရယန္တရားမှာ နိုင်ငံတော်သမ္မတအဖြစ် တာဝန်ယူဖို့ ပြင်ဆင်နေတာကို အားလုံးက ကြိုတင်ခန့်မှန်းထားကြတာပါ။ ဒါပေမဲ့ ထူးခြားချက်ကတော့ သူဟာ စစ်တပ်က တိုက်ရိုက်အဆိုပြုတဲ့ သမ္မတလောင်း အဖြစ် မဟုတ်ဘဲ၊ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ (USDP) ဘက်ကနေ ပြည်သူ့လွှတ်တော်မှာ တင်သွင်းထားတဲ့ ဒုတိယသမ္မတလောင်းအဖြစ်နဲ့ ဒီရာထူးကို ရယူဖို့ ဖြစ်လာတာဟာ အများအမြင်မှာ စိတ်ဝင်စားစရာ ဖြစ်နေပါတယ်။ ဒီလို လမ်းကြောင်းပြောင်းပြီး ရွေးချယ်ခံရမှုအပေါ် ကိုယ်တိုင်အကွက်ချ စီမံထားတဲ့ စနစ်ထဲမှာ ဘာကြောင့် တပ်မတော်ကိုယ်စားလှယ် အစုအဖွဲ့ကနေ တက်မလာဘဲ နိုင်ငံရေးပါတီကတဆင့် သွားရသလဲဆိုတာကို နိုင်ငံရေးလေ့လာ သုံးသပ်သူတွေ ကြားမှာ မေးခွန်းထုတ်နေတာပါ။ #မြန်မာ #ဧရာဝတီ #မင်းအောင်လှိုင် #သမ္မတ #တပ်ကိုယ်စားလှယ် #USDP #What'sHappensInMyanmar စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation