မြစ်ကြီးနားမှာ ဖမ်းခံရတဲ့ ၁၆ နှစ်အရွယ်အမျိုးသမီးငယ် မိသားစုနှင့်အဆက်အသွယ်မရသေး

မြစ်ကြီးနားမှာ ဖမ်းခံရတဲ့ ၁၆ နှစ်အရွယ်အမျိုးသမီးငယ် မိသားစုနှင့်အဆက်အသွယ်မရသေး မတ်-၇၊ ၂၀၂၁ မတ်လ ၆ ရက် စီတာပူ ရပ်ကွက် (၅)၊ သက်သာ ဆေးခန်းဝင်းမှာ နေထိုင်တဲ့ အသက် ၁၆ နှစ်အရွယ် အမျိုးသမီးငယ် မဖောင်တဲဆိုင်းနန် ကို ရဲတပ်ဖွဲ့ဝင်တွေက ဖမ်းခေါ်သွားရာမှာ မိသားစုနဲ့ အဆက်အသွယ် မရသေးဘူးလို့ သိရပါတယ်။ မတ်လ ၆ ရက်က မြစ်ကြီးနား တက္ကသိုလ်အတွင်း စစ်သားနဲ့ ရဲတွေဝင်ရောက်နေလို့ ရပ်ကွက်ကလူထုက လာရောက်ဝန်းရံတာကို ဖြိုခွဲရာမှာ ဖမ်းဆီးခံခဲ့ရတာပါ။ ဖြစ်စဉ်ကို မြင်လိုက်ရသူကတော့ အမျိုးသမီးငယ်က သူ့အဖေကို ကို ရဲတွေကရိုက်နှက်နေလို့ ပတ်ဝန်းကျင်ကို အော်ဟစ် အကူအညီတောင်းရာမှာ အဖေဖြစ်သူက လွတ်မြောက်သွားတယ်လို့ ဆိုပါတယ်။ ဒါကြောင့် အမျိုးသမီးငယ်ကို ဖမ်းဆီးခေါ်ဆောင်သွားတာလို့ ပြောခဲ့တာပါ။ အဖမ်းခံရသူတွေကို လွတ်မြောက်ဖို့ ဆောင်ရွက်ပေးနေတဲ့ ငြိမ်းချမ်းရေးအကျိုးဆောင်အဖွဲ့မှ ဦးလမိုင်ဂွန်ဂျာကလည်း တင်ပြထားပေးမယ့် အကြောင်း မပြန်သေးဘူးလို့ ဆိုပါတယ်။ မိသားစုဝင်တွေနဲ့ ပြည်သူလူထုကတော့ အဖမ်းခံလိုက်ရတဲ့ အမျိုးသမီးအတွက်စိတ်ပူနေပြီး မြစ်ကြီးနားမြို့မှာရှိတဲ့ ရှေ့နေ‌တွေအနေနဲ့ ဝိုင်းဝန်းကူညီပေးကြဖို့ တောင်းဆိုနေတာ တွေ့ရပါတယ်။ Subscribe to our channel at https://bit.ly/2CVSP6d Check out our website: http://www.7daydaily.com/ Connect with us at our social media handles: Facebook: https://www.facebook.com/7DayOnlineTV/ Twitter: https://twitter.com/7Day_TV